U aŭtorak uviečary ŭ kaviarni «Hraj» adbyłasia ŭračystaja cyrymonija ŭručeńnia premii imia Natalli Arsieńnievaj za najlepšuju knihu paezii 2019 hoda, piša Radyjo Svaboda.
Uznaharodu atrymała Maryja Martysievič za epistalarnuju paemu «Sarmatyja». Pryz premii sioleta składaje 4000 rubloŭ
U karotki śpis pretendentaŭ na ŭznaharodu, akramia Martysievič, uvajšli jašče 2 knihi:
- Uładzimier Arłoŭ «Paručnik Piatrovič i praparščyk Zdań». Vydaviectva «Knihazbor», Miensk.
- Nadzieja Artymovič «Krajavid ź nievidočnaj pamyłkaj». Vydaviectva «Prahramnaja rada tydniovika «Niva»», Biełastok.
Arhanizatary premii — Biełaruski PEN-centar, «Sajuz biełaruskich piśmieńnikaŭ» i Zhurtavańnie biełarusaŭ śvietu «Baćkaŭščyna». Uznaharoda ŭručajecca pry padtrymcy Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii.
Premija zasnavanaja ŭ honar biełaruskaj paetki Natalli Arsieńnievaj (1903—1997) u 2017 hodzie i ŭručajecca za najlepšuju paetyčnuju knihu na biełaruskaj movie.
Pieršym laŭreatam premii staŭ Uładzimir Niaklajeŭ za zbornik paezii «Tolki vieršy», druhim — Aleś Razanaŭ z knihaj «Pieravybranaje».
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary