Što budzie abmiarkoŭvacca na maštabnaj vieraśnioŭskaj vystavie «Turbiznes-2019» u Minsku

Letni turystyčny siezon zaviaršyŭsia, i ciapier mnohija biełaruskija amatary padarožžaŭ varožać: ci padaražejuć tury ŭ najbližejšy čas, a kali padaražejuć, to nakolki? I ci jość u krainie reziervy, jakija dazvolili b zrabić tańniejšym adpačynak? Pytańni svoječasovyja: šmat padziej adbyłosia paśla minskaha vystavačnaha forumu «Adpačynak» — hałoŭnaj viasnovaj turystyčnaj padziei krainy. A napieradzie vosień — čas rychtavacca da navahodnie-kaladnych vakacyj.

Šukać adkazy na pytańni ab turyźmie buduć ekspanienty i naviedvalniki 26-j mižnarodnaj turysckaj vystavy «Turbiznes-2019», jakaja projdzie ŭ Minsku z 25 pa 27 vieraśnia.

Tem dla abmierkavańnia dastatkova. Pa-pieršaje, novyja praviły hulni na rynku paśla pryniaćcia abnoŭlenaha zakona «Ab turyźmie». Šmat jakija turfirmy ŭžo ahučvali prahnozy: maŭlaŭ, kali dakumient budzie pryniaty ŭ jaho ciapierašnim vyhladzie, to heta pryviadzie da padaražeńnia turpakietaŭ, pakolki pavialičycca nahruzka na pradaŭcoŭ turaŭ.

Ale jość i pryjemnyja naviny. Naprykład, u Biełaruś pa biaźvizavym režymie ŭ studzieni-lipieni pryjechała kala 174 tysiač turystaŭ — na 62% bolš, čym za toj ža pieryjad u minułym hodzie. I ich stanie jašče bolš, kali ŭ poŭnuju siłu zapracuje abjadnanaja biaźvizavaja turystyčnaja zona Bresckaj i Hrodzienskaj abłaściej. U Departamiencie pa turyźmie Minsportu niadaŭna ahučyli prapanovu vyłučyć turyzm u asobnuju halinu ekanomiki, kab bolš vyrazna vybudoŭvać ekanamičnuju palityku.

Mnohich paradavała navina ab płanach vienhierskaha łaŭkostara Wizz Air adkryć pramyja rejsy ŭ Minsk u nastupnym hodzie. A pad kaniec leta źjaviłasia infarmacyja ab tym, što Fiederalnaja antymanapolnaja słužba Rasii viadzie pieramovy ź biełaruskimi i kazachstanskimi partniorami ab stvareńni łaŭkostaraŭ, kab pavysić kankurencyju ŭ nizkabiudžetnym siehmiencie avijapieralotaŭ.

Raźvivajecca i ŭnutrany turyzm. Mnohija novyja kirunki buduć pradstaŭleny na vieraśnioŭskaj vystavie «Turbiźnies-2019».

Vystava «Turbiznes» — tradycyjnaje miesca sustrečy dziełavych ludziej, jakija pracujuć u śfiery akazańnia turysckich pasłuh. Za 25 hadoŭ sfarmavaŭsia skład pastajannych udzielnikaŭ, jakija pradstaŭlajuć najbujniejšyja turystyčnyja firmy našaj krainy i zamiežža. U 2018 hodzie ŭ tematyčnym forumie ŭziali ŭdzieł 100 firmaŭ z 12 krain śvietu. Prahrama vystavy jašče dapracoŭvajecca, buduć i prezientacyi, i kruhłyja ​​stały, i sieminary.

Tematyka vystavy, jak zaŭsiody, šyrokaja: ujazny i vyjazny, spartyŭny i pryhodnicki, rekreacyjny, miedycynski, siamiejny i dziciačy, palaŭničy turyzm, prezientacyja pasłuh turapierataraŭ i turahientaŭ, transpartnych kampanij, haścinic. U ekspazicyi budzie spartovy i turystyčny ryštunak, a taksama śpiecyjalnaje abstalavańnie i adzieńnie. Buduć zakranuty temy padrychtoŭki kadraŭ, strachavańnia i biaśpieki.

26-ju mižnarodnuju vystavu «Turbiznes-2019» pravodzić Nacyjanalny vystavačny centr «Biełekspa» Kiraŭnictva spraŭ prezidenta sumiesna ź Ministerstvam sportu i turyzmu. Jana budzie prachodzić z 25 pa 27 vieraśnia pa adrasie: h. Minsk, pr-t Pieramožcaŭ, 14.

Kantakty dla achvotnych udzielničać u ekspazicyi: +375 29 887-95-73, +375 17 334-11-92 (teł. / Faks). E-mail: [email protected]

• 0
• 0
• 0
• 0
• 0
• 0
• 0
• 0