Učora ŭ Minsku, la vajskovaj palikliniki, vypadkova sustrelisia dva žaŭniery – Franak Viačorka i Źmicier Chviedaruk. Fota.
Učora ŭ Minsku, la vajskovaj palikliniki, vypadkova sustrelisia dva žaŭniery — Franak Viačorka i Źmicier Chviedaruk.
Nahadajem, lidera «Moładzi BNF» Franaka Viačorku, jakoha prymusova pryzvali ŭ armiju, 18 lutaha dastavili ŭ respublikanski vajskovy špital u Minsku. U Franaka zaŭvažanyja pavyšany cisk i prablemy z sercam. U špital jaho pałažyli na abśledavańnie.
A ŭ Źmitra Chviedaruka, adnaho ź lideraŭ «Maładoha frontu», jaki prachodzić słužbu ŭ Žodzinie, miedyki znajšli varykoznaje pašyreńnie vieny. Ciapier jamu patrebna apieracyja.
La vajskovaj palikliniki, što pobač sa špitalom, vypadkova i sustrelisia Franak Viačorka i Źmicier Chviedaruk.
Ale Źmicier nie budzie lačycca razam z Franakam — u špitali nie chapiła miesca dla vajskoŭca‑maładafrontaŭca, i apieracyju pieranieśli na niekalki tydniaŭ.
Chviedaruka špitalizujuć tolki 14 sakavika. Maładafrontaŭca viarnuli nazad u vajskovuju častku.
Zatoje Źmicier Chviedaruk pavioz da miesca słužby kaštoŭny padarunak. Alaksiej Šein, sustaršynia arhkamitetu pa stvareńni partyi «Biełaruskaja chryścijanskaja demakratyja», prynios jamu 4 asobniki «Rasiejska‑biełaruskaha vajskovaha słoŭnika» Stanisłava Sudnika i Siarhieja Čysłava.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary