Novaja Hreta Tunbierh: doktarka ź Birminhiema pryklejvaje siabie supierklejem da budynkaŭ FOTY
«Ja ryzykuju reputacyjaj i karjeraj, ale ja ščaślivaja, bo rablu choć što-niebudź», — kaža doktarka ź Birminhiema Sara Ben, piša Bi-bi-si.
Što robić doktar Ben razam ź inšymi ŭdzielnikami ekaabarončaha ruchu Extinction Rebellion? Pryklejvaje siabie supierklejem da budynkaŭ roznych arhanizacyj.
Extinction Rebellion ličyć, što čałaviectva źniščaje Ziamlu i tamu samo znachodzicca na miažy vymirańnia.
Jaho aktyvisty spadziajucca, što mižnarodnaja kampanija niehvałtoŭnaha hramadzianskaha niepadparadkavańnia prymusić suśvietnyja ŭrady bolš aktyŭna zmahacca za abaronu navakolnaha asiarodździa.
Mietady ruchu — pierakryćcie vulic i čyhunak, pikiety la ŭradavych budynkaŭ i ofisaŭ ŚMI.
Za hety Extinction Rebellion šmat krytykujuć, ale lidary pratestu ličać, što ich pramoje dziejańnie nie tolki apraŭdana, ale i nieabchodna dla budučaha žyćcia na našaj płaniecie.
Za apošnija tydni doktar Ben dvojčy karystałasia supierklejem padčas publičnych akcyj.
«Ja vielmi niervavałasia i asabliva sumniavałasia, ci varta pryklejvacca da šklanych dźviarej», - kaža jana.
Doktar Ben z 1996 hoda pracuje terapieŭtam. Jana dalokaja ad typu kananičnaha ekaktyvista, jaki časta malujuć ŚMI. Tych samych ludziej, jakich premjer-ministr Brytanii Barys Džonsan nazyvaje «niamytymi badziahami».
Patok artykułaŭ ab źmianieńni klimatu tak uschvalavaŭ doktara Ben, što jana vyrašyła dziejničać. I jana daloka nie adziny pradstaŭnik svajoj prafiesii siarod pratestoŭcaŭ.
20 vieraśnia doktar Ben pryniała ŭdzieł u akcyi ŭ adnoj z łondanskich uradavych ustanoŭ, jakija kuryrujuć paliŭna-enierhietyčny kompleks.
Ja naniesła klej sabie na ruku i prykłała jaje da dźviarej. Prykładna praź dźvie siekundy maja dałoń namiortva prylipła», - raspaviadaje jana Bi-bi-si pra svoj pratest.
Doktaru Ben udałosia zabłakavać uvachod u budynak — nichto nie moh ni ŭvajści, ni vyjści.
«Asnoŭnaja meta — pieraškody ŭ pracy (ustanovy), biez hvałtu», - kaža jana.
U toj akcyi pratestu pryniali ŭdzieł kala 40 daktaroŭ, jana doŭžyłasia prykładna paŭdnia.
«Na miesca prybyła śpiecpadraździaleńnie palicyi, palicejskija rastvaralnikam adkleili maju ruku ad dźviarej», - raspaviadaje doktar Ben.
Saru zatrymali. Ale praz try tydni jana znoŭ viarnułasia ŭ stroj, na hety raz akcyja prajšła la budynka brytanskaha parłamienta.
«My ŭźviali časovuju draŭlanuju kanstrukcyju pasiarod darohi, a potym niekalki aktyvistaŭ, u tym liku mianie, prykleilisia adzin da adnaho supierklejem», — kaža doktar Ben.
Z-za akcyi vulica ŭ centry horada na niekalki hadzin apynułasia zabłakavanaj. U vyniku palicyjanty razabrali kanstrukcyju i adkleili aktyvistaŭ adzin ad adnaho z dapamohaj taho ž rastvaralnika.
Doktar Ben admoviłasia padparadkavacca palicyi, i jaje zatrymali.
«Ja admoviłasia ŭstać i prajści ŭ aŭtamabil, jak mnie zahadali, tamu mianie da aŭtamabila adnieśli».
Sary pradjavili abvinavačvańni, nienadoŭha zatrymali i adpuścili.
Za hety čas pałatku, dzie lažali ŭsie jaje rečy, kudyści zabrali. Ale jana vyrašyła zastacca i praciahnuć baraćbu.
«Ja pryniała ŭdzieł jašče ŭ adnym šeści, a nočču pracavała z kamandaj miedykaŭ, jakija akazvali pieršuju dapamohu pratestoŭcam».
Dadomu jana pryjšła tolki praz dva dni, i jaje muž nieadkładna adpraviŭsia joj na źmienu ź Birminhiema ŭ Łondan, za 200 kiłamietraŭ, kab pryniać udzieł u prateście
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary