Telehram-błohier Ściapan Puciła, bolš viadomy jak Niechta, ździviŭ biełaruskuju hramadskaść zaklikam dałučycca da pieradvybarčych pikietaŭ kandytataŭ u deputaty 8 listapada na Płoščy Svabody ŭ Minsku.
«Naša Niva» raspytała Ściapana pra inicyjatyvu. Jon zapeŭnivaje, što heta asabistaja ideja.
«Heta vynik sotniaŭ pytańniaŭ ludziej u sacsietkach, asabistych paviedamleńniach kštałtu «a što rabić dalej?». Patrebnyja kankretnyja prapanovy, i pieršaja — sustrecca ŭsim razam, kab razam abmierkavać. Viadoma, praviadzieńnie sustrečy było b niemahčymym, kali b nie damoŭlenaść z kandydatami ŭ deputaty, jakim pieradvybarčaje zakanadaŭstva dazvalaje pravodzić lehalnyja sustrečy z vybarcami. Zaklikać na niesankcyjanavanuju akcyju ja b nie staŭ, bo pavažaju svaich padpisantaŭ. Kandydatam — vialiki dziakuj za dapamohu i lehalny status akcyi», — skazaŭ błohier.
Jon nie choča nazyvać imiony kandydataŭ u deputaty, ale kaža, što tych, chto pahadziŭsia — ź dziasiatak.
Sam Ściapan, jaki žyvie ŭ Varšavie, na pikiet ŭ Minsku nie pryjedzie. «Kali ja pryjedu, mianie čakajuć 5 artykułaŭ kryminalnaha kodeksu, ad abrazy Łukašenki i ekstremizmu da dyskredytacyi Biełarusi i špijanažu. Tak sabie pierśpiektyva. Mnie zdajecca, ja na voli bolš karysny», — tłumačyć jon, ale abiacaje prysutničać «u niejkaj formie».
Prahramy mierapryjemstva pakul niama.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary