U milicyju źviarnuŭsia 31-hadovy žychar Čerykava z zajavaj ab tym, što ŭ jaho byŭ vykradzieny mabilny telefon koštam 700 rubloŭ i hrošy ŭ sumie 55 rubloŭ, paviedamlaje Mycity.by.
Incydent adbyŭsia paśla taho, jak jaho novaja pryjacielka zaprasiła mužčynu da siabie ŭ hości, dzie jany raśpivali śpirtnyja napoi. Adnak žančyna ŭsialak admaŭlała svaju datyčnaść da incydentu.
30-hadovaja biespracoŭnaja mahiloŭka paznajomiłasia z mužčynam u adnym z načnych kłubaŭ horada i zaprasiła jaho da siabie ŭ hości. Jašče tolki adpraŭlajučysia ŭ čužuju kvateru, novy znajomy byŭ mocna pjany. Vypiŭšy ŭ žančyny ŭ kvatery, hość zasnuŭ mocnym snom. Tolki ranicaj jon zrazumieŭ, što ŭ jaho źnikli hrošy i telefon. Na ŭsie rospyty haspadynia doma adkazvała, što pryviezła mužčynu ŭ svaju kvateru ŭžo biez mabilnaha telefona, a śpirtnoje kuplała za svoj rachunak i jaho hrošaj nie brała.
Ale pravaachoŭniki vyśvietlili, što mienavita jana, dačakaŭšysia, pakul mužčyna zaśnie, vyciahnuła ź jaho kišeni telefon i hatoŭku, spadziejučysia na toje, što ŭładalnik majomaści ničoha nie budzie pamiatać.
Što zapisana aficyjnaj pryčynaj śmierci adzinaha syna Jarmošynaj?9
Kamientary