«Apielacyjny pratest, jaki byŭ padadzieny na prysud Minskaha haradskoha suda, prakuroram adklikany», — paviedamiŭ Źmicier Palijenka sajtu palitviazni.info.
Nahadajem, što Źmitra Palijenku pryznali vinavatym u asabliva złosnym chulihanstvie, jamu vynieśli prysud — 3 hady chatniaj chimii (abmiežavańnie voli biez nakiravańnia ŭ papraŭčuju ŭstanovu). Minus hod Źmitru «skinuli» pa amnistyi, ale jamu pryznačyli prymusovaje lačeńnie ad ałkahalizmu.
Tydzień tamu stała viadoma, što prakuratura Minska abskardziła rašeńnie Minskaha haradskoha suda ŭ Viarchoŭny sud. U apielacyjnym prateście havaryłasia, što prysud u dačynieńni da Palijenki «źjaŭlajecca niezakonnym i pavinien być źmienieny ŭ suviazi ź niesuadnosnaściu pryznačanaha sudom pakarańnia ciažkaści złačynstva».
«Siońnia, 19 listapada, atrymaŭ list ź Minskaha haradskoha suda», — kaža Źmicier Palijenka.
U liście paviedamlajecca, što «11.11.2019 hoda dziaržaŭnym abvinavaŭcam — staršym prakuroram adździeła prakuratury h.Minska Karalom A. byŭ adklikany apielacyjny pratest, jaki padadzieny 4.11.2019 hoda na prysud Minskaha haradskoha suda ad 25.10.2019 h. pa kryminalnaj spravie pa abvinavačvańni Palijenki Dźmitryja Alaksandraviča ŭ ździajśnieńni złačynstva, praduhledžanaha č.3 art.339 KK».
Źmicier Palijenka adznačaje, što taki pavarot padziej dla jaho — poŭnaja niečakanaść.
«Nie razumieju adnaho: kali prakuror zaraz adklikaŭ pratest, to navošta jon jaho ŭvohule padavaŭ?» — ździŭlajecca aktyvist.
Ciapier čytajuć
U centry Minska tajamniča źnikła dačka dyrektara bujnoha ahrakompleksu10
Kamientary