Kastusioŭ sustreŭsia z namieśnikam kiraŭnika administracyi Łukašenki. Abmiarkoŭvali ŭmacavańnie patryjatyzmu
Siońnia staršynia Partyi BNF Ryhor Kastusioŭ mieŭ sustreču z namieśnikam kiraŭnika administracyi prezidenta Andrejem Kuncevičam. Temaj sustrečy byŭ prapanavany arhanizacyjami hramadzianskaj supolnaści płan dziejańniaŭ na 2020 hod pa ŭmacavańni patryjatyzmu i biełaruskaj nacyjanalnaj identyčnaści.
Jak paviedamiŭ staršynia BNF, pieradadzieny ŭ administracyju płan dziejańniaŭ praduhledžvaje jak palityčnyja, tak i hramadskija mierapryjemstvy:
«Bolšaść našych prapanoŭ źviazanaja z aktyŭnaściu toj kamandy, jakaja rabiła śviata na stahodździe BNR. My hruntujemsia na tym papiarednim dośviedzie, ale płan achoplivaje uvieś hod — i dzień rodnaj movy 21 lutaha, i śviata niezaležnaści 25 sakavika, i jubilej abviaščeńnia dekłaracyi pra dziaržaŭny suvierenitet, i stahodździe Słuckaha zbrojnaha čynu, i šmat što inšaje. Niekatoryja z hetych mierapryjemstvaŭ hramadzianskaja supolnaść hatovaja rabić bieź dziaržaŭnaj dapamohi — ale treba, kab dziaržava im nie pieraškadžała. A dla mnohich ambitnych rečaŭ patrabujecca sadziejničańnie miascovych uładaŭ. Ja raźličvaju na stanoŭčaje staŭleńnie ŭładaŭ da našych prapanoŭ. U 2018 hodzie nam atrymałasia zrabić tracinu z płana, jaki byŭ vykładzieny na šaści staronkach — zaraz naš płan vykładzieny na dziesiaci staronkach, i kali atrymajecca zrabić tracinu ź jaho, to heta budzie vydatnaje dasiahnieńnie» — skazaŭ Ryhor Kastusioŭ pa vynikach sustrečy.
Kamientary