Etnołah i falkłaryst Alena Doŭnar-Zapolskaja raspaviała Tut.by, što pa narodnych prymietach zima, chutčej za ŭsio, budzie nie maroznaj. Marazy tradycyjna pryjduć da Vadochryšča ŭ studzieni.
I miarkujučy pa ŭsim, śniehu na Novy hod taksama nie budzie. Ličyłasia, što kali śnieh jość na Dźmitryjeŭ dzień 8 listapada, to jon budzie i na Novy hod, i Kalady. A ŭ hetym hodzie śniehu ŭ hety dzień nie było.
14 kastryčnika byŭ Pakroŭ Praśviatoj Baharodzicy. Pa hetym dni ŭ narodzie vyznačali, jakim budzie nadvorje zimoj. Kazali tak: «Jaki Pakroŭ, takoj budzie i zima, až da samaj viasny». U nas na Pakroŭ była anamalna ciopłaje nadvorje.
21 listapada byŭ Michajłaŭ dzień, i byŭ mocny viecier, było marozna i vielmi niepryjemna na vulicy. Ludzi vieryli, što kali ŭ hety dzień takoje nadvorje, to 19 śniežnia, u Dzień Śviaciciela Mikałaja, budzie adliha.
Sam pa sabie śniežań budzie vyznačać nadvorje nie tolki na astatniuju zimu, ale i viasnu, i leta. U narodzie była takaja prykazka: «U śniežni adkrytaje vucha, to letam choraša i sucha».
Ciapier čytajuć
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma6
Kamientary