Ekspanujucca bolš za 300 kłoŭnskich statuetak z bronzy, kieramiki, škła, a taksama karciny, malunki i paštoŭki z vyjavaj cyrkavych piersanažaŭ.
Vystava «Uśmieška kłoŭuna» adkryłasia 5 sakavika ŭ Nacyjanalnym muziei historyi i kultury Biełarusi.
Ekspazicyja arhanizavana z pryvatnaj kalekcyi Pierasoŭnaha muzieju kłoŭnaŭ cyrkavoha režysiora‑pastanoŭščyka, zasłužanaha artysta Rasii Mikałaja Čaŭnakova.
Jak paviedamiŭ na adkryćci vystavy M.Čaŭnakoŭ, u Minsku pradstaŭlena bolš za 300 kłoŭnskich statuetak z bronzy, kieramiki, škła i inšych materyjałaŭ, a taksama karciny, malunki i paštoŭki z vyjavaj cyrkavych piersanažaŭ.
Usie ekspanaty vystavy nabytyja M.Čaŭnakovym padčas hastrolaŭ u roznych krainach. Svaju karjeru režysior‑pastanoŭščyk pačynaŭ jak cyrkavy akrabat. Paśla hastrolaŭ u cyrku Kanady z suśvietnym imiem «Cirque du Soleil» i atrymanaj traŭmy M.Čaŭnakoŭ viarnuŭsia ŭ Rasiju, dzie arhanizavaŭ cyrk‑šapito. Jak zaznačyŭ M.Čaŭnakoŭ, kalekcyja — praciah jaho daŭniaj mary stać «Ryžym» i vyklikać u ludziej uśmieški.
U ramkach minskaj vystavy pradstaŭlena i pamienšanaja kopija kłouna, jakoha artyst padaryŭ Viciebsku padčas hastrolaŭ pa Biełarusi. «Zaraz jon staić u centry horada, i nosik u jaho vielmi jarki: ludzi prychodziać, truć jaho i zahadvajuć žadańni. Kali chtości žadaje, kab było žyćcio harmaničnaje, jon tre pa harmoniku; kali treba dadać hrošaj, to tre za śpinoj — u jaho tam rubli», — skazaŭ M.Čaŭnakoŭ. Pavodle jaho słoŭ, siarod unikalnych ekspanataŭ vystavy — muzyčnyja kłoŭny ź Japonii, kłoŭn‑broška z dyjamientami.
Jak zaznačyŭ na adkryćci ekspazicyi dyrektar Nacyjanalnaha muzieja historyi i kultury Biełarusi Siarhiej Viečar, usie raboty z aŭtarskaj kalekcyi praciatyja idejaj cyrka, jaki «abjadnoŭvaje ludziej i zrazumieły kožnamu».
U ramkach vystavy abvieščany konkurs dziciačaha malunka. Junym naviedvalnikam ekspazicyi prapanoŭvajecca vykazać svaje emocyi ad ubačanaha. Aŭtary lepšych rabot zmohuć biaspłatna naviedać cyrkavoje pradstaŭleńnie.
Vystava budzie pracavać da 15 krasavika. Prykładna ŭ hety ža čas u Paryžy adkryjecca ekspazicyja druhoj častki kalekcyi Pierasoŭnaha muzieja kłoŭnaŭ M.Čaŭnakova.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary