Viadoma, historyja ajčynnych sikvełaŭ maje tradycyju značna hłybiejšuju za amierykanskuju.
Viadoma, historyja ajčynnych sikvełaŭ maje tradycyju značna hłybiejšuju za amierykanskuju.Jašče ŭ 1941 hodzie Janka Kupała stvaryŭ praciah svajho błokbastera «Chłopčyk i lotčyk» — «Chłopčyk i lotčyk na vajnie». U dadatak, paraŭnoŭvać vykštałtanyja ŭzory sučasnaj litaratury na CD-kružełcy z pryhodami kantužanaha vjetnamskaha vieterana, zapisanymi na banalnaj videakasiecie, prosta śmiešna...
Ale ž pasprabujem:
1. U «Remba-2» zahinuła 67 čałaviek, 57 ź jakich — ad ruk hałoŭnaha hieroja. U «Načnoj čytancy-2» ž vystupili 50 litarataraŭ, usie dziakuj Bohu žyvyja, bo ŭkładalniki Jahor Majorčyk i Alaksiej Znatkievič vyrašyli nie brać na dušu hrech. (I heta navat paśla hadovaj napružanaj pracy ź biełaruskimi litaratarami!) Siarod ščaśliva acalełych:
Prazaiki:
Uładimir Arłoŭ
Vinceś Mudroŭ
Taciana Barysik
Artur Klinaŭ
Ihar Sidaruk
Paety:
Anatol Viarcinski
Halina Dubianieckaja
Słavamir Adamovič
Vital Ryžkoŭ
Aleh Minkin
2. «Remba-2» była pryznanaja najhoršym filmam hodu pavodle «Załatoj Maliny». «Načnaja čytanka-2» nikoli nie budzie pryznanania najhoršaj kružełkaj pavodle nivodnaha biełaruskaha vydańnia, bo ŭjaŭlajecie, što takoje 50 raźjušanych litarataraŭ, jakija hrukajucca ŭ dźviery vašaj redakcyi? Naahuł kažučy,
u nas najlepšaja litaratura ŭ śviecie. («Naša Niva»©, usie pravy na mantru abaronienyja.)
3. Stužka «Remba-2» pryniesła svaim stvaralnikam 150 000 000 dalaraŭ. Radyjo «Svaboda» «Načnaja čytanka-2» pryniasie chiba dzirki ad nulikaŭ, bo dysk raspaŭsiudžvajecca zadarma.
Načnaja čytanka-2. 50 aŭtaraŭ z efiru radyjo «Svabody». Układańnie Alaksieja Znatkieviča i Jahora Majorčyka. Biblijateka radyjo «Svaboda». 2009.
Kamientary