Kamianiecki čynoŭnik paabiacaŭ adarvać hałavu nastaŭniku, jaki zmahajecca za biełaruskamoŭnuju škołu AŬDYJA
Historyja zdaryłasia padčas sustrečy miascovaj ułady z baćkami i nastaŭnikami nakont zakryćcia Amielanieckaj škoły, adzinaj biełaruskamoŭnaj škoły ŭ Kamianieckim rajonie.
Nastaŭnik hieahrafii i fizkultury Amielanieckaj škoły Pavieł Kiendyś — heta jon stvaryŭ u internecie pietycyju , jakuju padpisali 2300 čałaviek, — spytaŭ u baćkoŭ, chto vystupaje za toje, kab škołu nie zakryvali.
Jaho pierabiŭ načalnik adździeła adukacyi Kamianieckaha rajvykankama Viktar Hrycuk. Uźnikła sprečka, tady Viktar Hrycuk na słovy Paŭła: «A što vy mnie možacie zrabić?», adkazaŭ: «Hałavu adarvać».
«Sprečka ŭźnikła padčas schodu. Nastaŭnik pavodziŭ siabie nieadekvatna, pierabivaŭ vystupoŭcaŭ. Viktar Hrycuk prosta emacyjna adreahavaŭ na jaho słovy. Nijakaj fizičnaj raspravaj jon nie pahražaŭ, — zapeŭnivaje «Našu Nivu» namieśnik staršyni Kamianieckaha rajvykankama Dzianis Špak. — Što tyčycca škoły, to da krasavika nijakaha rašeńnia ab zakryćci nie budzie. Pytańnie vyvučajecca ŭsiebakova, kab pryniać uzvažanaje rašeńnie. Jość niekalki varyjantaŭ: ci zrabić škołu bazavaj, ci pakinuć tolki dziciačy sadok z pačatkovaj škołaj. A što rabić z pavodzinami svajho supracoŭnika, chaj vyrašaje dyrektar škoły».
Viktar Hrycuk adkazaŭ, što jaho słovy byli vyrvanyja z kantekstu. Padrabiaźniej tłumačyć situacyju jon admoviŭsia.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary