U finskim zaaparku miadźviedzicy vylečyli chvory zub prosta ŭ biarłozie
Kali rabotniki zaaparka Ranua ŭ Chielsinki zaŭvažyli, što lubimica publiki, biełaja miadźviedzica Vieniera ŭ rospačy, jany adrazu zrazumieli, što ź joj niešta zdaryłasia. Vieniera admaŭlałasia ad ježy, i było pryniata rašeńnie pravieści miedycynskaje abśledavańnie. Vyjaŭleny ŭ vyniku chvory zub pryjšłosia lačyć prosta ŭ biarłozie, piša Yle.fi
16-hadovaja palarnaja miadźviedzica Vieniera z vosieni pavodziła siabie niespakojna: u jaje raskałoŭsia zub, i jana nie mahła tołkam jeści. Ahledzieć i vylečyć zub było niaprosta: 300-kiłahramovuju miadźviedzicu prosta tak ź miesca na miesca nie zrušyš, navat kali žyviole papiarednie ŭvieści narkoz. Dla lačeńnia Vieniery była sabrana cełaja kamanda daktaroŭ, jakaja ŭ vyniku praviała apieracyju prosta ŭ biarłozie.
Dla vieterynara Chieleny Kuntsi heta byŭ unikalny vopyt i prafiesijny vyklik:
— Ja lačyła praktyčna ŭsich žyvioł, jakija sustrakajucca ŭ zaaparkach, pačynajučy ad hijen, ale bieły miadźviedź staŭ maim pacyjentam upieršyniu, — śmiajecca Kuntsi.
Samym składanym było pieramiaścić u biarłoh usie nieabchodnyja aparaty: renthien, bormašynu, aparat dla aniestezii i prybory, jakija nazirali za pakazčykami funkcyjanavańnia arhanizma miadźviedzicy. Pa zrazumiełych pryčynach aparaturu nielha było padrychtavać zahadzia: treba było heta rabić jak maha chutčej paśla taho, jak Vieniera atrymała ukoł aniestezii.
— Z punktu hledžańnia praviadzieńnia lačeńnia miesca było vielmi składanym. Ź biarłoha možna było vybracca tolki praź dźvie vuzieńkija adtuliny. Kali b Vieniera pračnułasia ad aniestezii raniej času, dla nas heta aznačała b dakładnuju śmierć, — kaža vieterynar.
Lačeńnie zuboŭ u palarnych miadźviedziaŭ — nie samy raspaŭsiudžany zaniatak u suśvietnym maštabie. Apieracyja, praviedzienaja prosta biarłozie, unikalnaja.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary