Staličnyja taksisty patrabujuć pavysić taryfy: u vypadku admovy jany abiacajuć błakavać vulicy
U redakcyju auto.tut.by źviarnulisia staličnyja taksisty, niezadavolenyja svaimi zarobkami. Jany patrabujuć ad słužbaŭ i servisaŭ, u jakich jany pracujuć, pavyšeńnia koštu kiłamietra prabiehu na 5 kapiejek. U vypadku admovy kiroŭcy abiacajuć usimi zakonnymi sposabami błakavać pracu słužbaŭ taksi.
— Mienavita z-za isnujučych taryfaŭ kiroŭcam davodzicca pracavać pa 16, a to i 18 hadzin. Kab choć niešta dy zarabić. I heta ŭžo stanovicca niebiaśpiečna, — tłumačyć pazicyju niezadavolenych adzin ź inicyjataraŭ patrabavańni.
Pieršyja sproby vykazać niezadavolenaść situacyjaj, z taryfami taksisty rabili ŭžo ŭ siaredzinie listapada minułaha hoda.
Publikujem poŭny tekst lista, jaki trapiŭ u redakcyju. Pad listom za siońniašni dzień padpisałasia ŭžo 105 čałaviek.
Hety list aktyŭnyja kiroŭcy ŭžo dasłali na dyśpietčarskija słužby i da 30 studzienia buduć čakać adkazu. Kali ceńniki nie padnimuć, taksisty abiacajuć błakavać pracu pieravozčykaŭ i servisaŭ kožny pracoŭny dzień z 7 ranicy da 12.00. Praściej kažučy, vadzicieli prosta nie buduć prymać zakazy ad pasažyraŭ, a dla tych, chto vyjdzie na pracu, prosta buduć stvarać fejkavyja zakazy.
Akramia taho, naš surazmoŭca taksama paviedamiŭ, što taksisty viaduć razmovy ab krajniaj miery: pierakryć u hadzinu pik centralny praśpiekt u adnoj z kropak.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary