Ci budziecie vy adznačać Dzień rodnaj movy, zaležyć ad vas. Ale kali ŭžo vyrašyli dla siabie, što rodnaja mova zajmaje važnuju častku vašaha serca, voś adzin z varyjantaŭ, jak addać pašanu rodnaj movie, a taksama cikava prabavić čas — udzielničać u «Moŭnym kveście».
Kab uziać udzieł, pierš-napierš treba ŭstalavać mabilny dadatak SAY.BY, dastupny dla Android i iOS, i apynucca ŭ adnoj z łakacyj praviadzieńnia kvestu:
- u subotu 22 lutaha ŭ Minsku na «Mova Feście». U hetym miescy da zadańniaŭ ad SAY.BY buduć dałučany ŭžo nie virtualnyja, a realnyja zadańni ad partnioraŭ śviata;
- u subotu, ale ŭžo ŭ Lidzie, dzie kvest abjadnaje 3 lidskija kaviarni, jakija šanujuć i padtrymlivajuć rodnuju movu. Čaho tolki vartyja ichnija nazvy: «Tutaka», «Tamaka», «Dobraja kava»!
- u niadzielu 23 lutaha ŭ mahiloŭskaj kaviarni «Šparki łoś», adnoj z hałoŭnych rys jakoha źjaŭlajecca biełaruskamoŭnaje absłuhoŭvańnie.
Sutnaść kvestu — adšukać i adskanavać admysłovym dadatkam «sakretnyja kody biełaruskaha arnamientu», što faktyčna ŭjaŭlajuć saboj stylizavanyja QR-kody. Kožny kod adkryvaje zadańnie, jakoje nieabchodna vykanać.
Jašče adzin varyjant, jak apynucca ŭ łakacyi praviadzieńnia kvestu — pracavać u kampanii, jakaja vyrašyła pravieści pryvatny varyjant kvestu dla svaich supracoŭnikaŭ.
Śpis łakacyj praviadzieńnia kvestu, a taksama praviły možna pahladzieć pa spasyłcy.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?9
Kamientary