Ці будзеце вы адзначаць Дзень роднай мовы, залежыць ад вас. Але калі ўжо вырашылі для сябе, што родная мова займае важную частку вашага сэрца, вось адзін з варыянтаў, як аддаць пашану роднай мове, а таксама цікава прабавіць час — удзельнічаць у «Моўным квэсце».
Каб узяць удзел, перш-наперш трэба ўсталяваць мабільны дадатак SAY.BY, даступны для Android і iOS, і апынуцца ў адной з лакацый правядзення квэсту:
- у суботу 22 лютага ў Мінску на «Мова Фэсце». У гэтым месцы да заданняў ад SAY.BY будуць далучаны ўжо не віртуальныя, а рэальныя заданні ад партнёраў свята;
- у суботу, але ўжо ў Лідзе, дзе квэст аб’яднае 3 лідскія кавярні, якія шануюць і падтрымліваюць родную мову. Чаго толькі вартыя іхнія назвы: «Тутака», «Тамака», «Добрая кава»!
- у нядзелю 23 лютага ў магілёўскай кавярні «Шпаркі лось», адной з галоўных рыс якога з’яўляецца беларускамоўнае абслугоўванне.
Сутнасць квэсту — адшукаць і адсканаваць адмысловым дадаткам «сакрэтныя коды беларускага арнаменту», што фактычна ўяўляюць сабой стылізаваныя QR-коды. Кожны код адкрывае заданне, якое неабходна выканаць.
Яшчэ адзін варыянт, як апынуцца ў лакацыі правядзення квэсту — працаваць у кампаніі, якая вырашыла правесці прыватны варыянт квэсту для сваіх супрацоўнікаў.
Спіс лакацый правядзення квэсту, а таксама правілы можна паглядзець па спасылцы.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары