Płošču Pod kaštany (Pad kaštanami) u Prazie, dzie raźmieščana rasijskaje pasolstva, nazavuć u honar rasijskaha palityka Barysa Niamcova, jakoha ŭ 2015 hodzie zastrelili na Vialikim Maskvareckim moście ŭ centry Maskvy. Z takoj prapanovaj vystupiŭ mer češskaj stalicy Zdeniek Hržyba, a haradskaja rada uchvaliła hetuju ideju, paviedamlaje RBK sa spasyłkaj na vydańnie Novynky.
Pierajmienavać płošču prapanavali ŭ honar piacihadovaj hadaviny sa śmierci Niamcova, adznačyŭ Hržyba. Jon rastłumačyŭ, što takoje rašeńnie prymałasia na asnovie inicyjatyvy miascovych žycharoŭ. Vydańnie paviedamlaje, što na płoščy raźmiaščajecca tolki rasijskaje pasolstva, tamu źmieny nie zakranuć jakija-niebudź inšyja abjekty.
«Hetym žestam Praha dałučycca da niekalkich inšych haradoŭ, jakija takim čynam pakazvajuć na palityčnuju situacyju ŭ siońniašniaj Rasii», — havorycca ŭ zajavie haradskoj rady, jakuju cytuje Idnes.cz.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova8
Kamientary