Što viadoma pra pieršaha namieśnika staršyni KDB Siarhieja Cierabava i jaho siamju
Alaksandr Łukašenka 25 lutaha pryznačyŭ hienierał-majora Siarhieja Cierabava pieršym namieśnikam staršyni KDB. Hetaja pasada była vakantnaj paśla taho, jak Ihar Sierhiejenka ŭ śniežni zaniaŭ kresła kiraŭnika Administracyi prezidenta.
Siarhieju Cierabavu 48 hadoŭ. Jon naradziŭsia ŭ Barysavie. Vučyŭsia ŭ Čarapavieckim vyšejšym vajskova-inžyniernym vučyliščy radyjoelektroniki. U orhany dziaržbiaśpieki trapiŭ u 2000 hodzie. Papracavaŭ u vajskovaj kontrraźviedcy, centralnym aparacie KDB, a taksama va ŭpraŭleńni pa Minsku i Minskaj vobłaści.
U mai 2014 Siarhiej Cierabaŭ byŭ pryznačany načalnikam KDB pa Homielskaj vobłaści, jakoje i ŭznačalvaŭ až da hetaha času. U Homiel Cierabaŭ jechaŭ pałkoŭnikam, a viartajecca ŭ Minsk užo hienierał-majoram.
«Naša Niva» znajšła rodnaha dziadźku Siarhieja Cierabava. Alaksandru Ściapanaviča Cierabavu 80 hadoŭ, jon kandydat fiłasofskich navuk, pracavaŭ dacentam na jurfaku BDU. Pryznajecca, što plamieńnik amal nie stasujecca z rodnymi.
Proźvišča Cierabaŭ namieśniku staršyni KDB dastałosia ad dzieda Ściapana, jaki pachodzić ź Piermskaj vobłaści Rasii (heta Urał). Ściapan byŭ vajskoŭcam, słužyŭ na Dalokim Uschodzie padčas Druhoj suśvietnaj vajny. Tam jon i paznajomiŭsia z žonkaj, jakaja była rodam z Fanipala pad Minskam.
Na Dalokim Uschodzie babula Cierabava taksama prachodziła vajskovuju słužbu.
U Biełaruś siamja pierajechała ŭ 1965 hodzie. Paśla hetaha nikudy ŭžo nie źjazdžali. Baćka namieśnika staršyni KDB Jaŭhien Cierabaŭ taksama staŭ vajskoŭcam, dasłužyŭsia da padpałkoŭnika. Bolšuju častku žyćcia jon pravioŭ u Hrodnie, tam ža ros i Siarhiej, tam ža naradzilisia jahonyja dzieci.
U Siarhieja Cierabava jość starejšy brat, jon pałkoŭnik zapasu MUS. Baćki śpiecsłužbista ŭžo pamierli: baćka kala dziesiaci hadoŭ tamu, a maci — kala piaci. Mama pracavała na pradpryjemstvie na «Hrodna Azocie».
U Minsk z Hrodna Siarhiej Cierabaŭ pierabraŭsia ŭ 2005 hodzie. Praź niekalki hadoŭ zmoh pabudavać kvateru ŭ Sucharavie.
U Siarhieja Cierabava dvoje synoŭ — Alaksandr i Dźmitryj. Starejšy ŭ 2017 hodzie skončyŭ aŭtatraktarny fakultet BNTU. Małodšy vučycca ŭ BDEU na mižnarodnych ekanamičnych adnosinach.
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ16
Kamientary