Były mer horada Saŭt-Bend (štat Indyjana) Pit Butydžydž ŭ niadzielu spyniŭ udzieł u baraćbie za vyłučeńnie kandydatam u prezidenty ZŠA ad Demakratyčnaj partyi. Pra heta jon zajaviŭ padčas vystupu ŭ Saŭt-Bendzie, tranślacyju vioŭ telekanał CNN, piša TASS.
«Siońnia viečaram ja pryniaŭ ciažkaje rašeńnie spynić svaju prezidenckuju kampaniju, — skazaŭ Butydžydž. — Ja bolš nie budu sprabavać stać kandydatam ad demakrataŭ na prezidenckich vybarach, ale ja zrablu ŭsio mahčymaje, kab sa studzienia ŭ nas byŭ novy prezident-demakrat». Eks-mer nie rastłumačyŭ, čamu vychodzić z honki. Jon adznačyŭ, što na dadzienym etapie jamu «lepš za ŭsio adyści ŭ bok, kab zachavać adzinstva partyi».
Butyžydž ustupiŭ u pieradvybarčuju baraćbu ŭ krasaviku 2019 hoda. Jamu ŭdałosia atrymać pieramohu na praviedzienych u pačatku lutaha schodach partyjnych aktyvistaŭ u štacie Ajova, na pieršasnych vybarach (prajmieryz) u Ńju-Hempšyry jon zaniaŭ druhoje miesca. Pa vynikach prajmieryz u Paŭdniovaj Karalinie ŭ subotu Butydžydž atrymaŭ tolki kala 8,2% hałasoŭ.
Na dumku šmatlikich ahladalnikaŭ, vybarščyki, jakija padtrymlivali Butydžydža, chutčej za ŭsio, stanuć prychilnikami byłoha vice-prezidenta ZŠA Džozefa Bajdena. U lik udzielnikaŭ honki demakrataŭ ciapier taksama ŭvachodziać sienatar ad štata Viermont Bierni Sanders, sienatar ad Masačusetsa Elizabet Uoren, miljarder Majkł Błumbierh, sienatar ad Miniesoty Emi Kłabučar, člen Pałaty pradstaŭnikoŭ Kanhresu ZŠA Tułsi Habard.
Pit Butydžydž: Pryznacca ŭ tym, što ja hiej, ja vyrašyŭ, kali byŭ na vajnie
Pstryčka isteblišmientu: Butydžydž i Sanders pieramahajuć na kokusach u Ajovie
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary