Былы мэр горада Саўт-Бэнд (штат Індыяна) Піт Бутыджыдж ў нядзелю спыніў удзел у барацьбе за вылучэнне кандыдатам у прэзідэнты ЗША ад Дэмакратычнай партыі. Пра гэта ён заявіў падчас выступу ў Саўт-Бэндзе, трансляцыю вёў тэлеканал CNN, піша ТАСС.
«Сёння вечарам я прыняў цяжкае рашэнне спыніць сваю прэзідэнцкую кампанію, — сказаў Бутыджыдж. — Я больш не буду спрабаваць стаць кандыдатам ад дэмакратаў на прэзідэнцкіх выбарах, але я зраблю ўсё магчымае, каб са студзеня ў нас быў новы прэзідэнт-дэмакрат». Экс-мэр не растлумачыў, чаму выходзіць з гонкі. Ён адзначыў, што на дадзеным этапе яму «лепш за ўсё адысці ў бок, каб захаваць адзінства партыі».
Бутыжыдж уступіў у перадвыбарчую барацьбу ў красавіку 2019 года. Яму ўдалося атрымаць перамогу на праведзеных у пачатку лютага сходах партыйных актывістаў у штаце Аёва, на першасных выбарах (праймерыз) у Нью-Гэмпшыры ён заняў другое месца. Па выніках праймерыз у Паўднёвай Караліне ў суботу Бутыджыдж атрымаў толькі каля 8,2% галасоў.
На думку шматлікіх аглядальнікаў, выбаршчыкі, якія падтрымлівалі Бутыджыджа, хутчэй за ўсё, стануць прыхільнікамі былога віцэ-прэзідэнта ЗША Джозэфа Байдэна. У лік удзельнікаў гонкі дэмакратаў цяпер таксама ўваходзяць сенатар ад штата Вермонт Берні Сандэрс, сенатар ад Масачусэтса Элізабэт Уорэн, мільярдэр Майкл Блумберг, сенатар ад Мінесоты Эмі Клабучар, член Палаты прадстаўнікоў Кангрэсу ЗША Тулсі Габард.
Піт Бутыджыдж: Прызнацца ў тым, што я гей, я вырашыў, калі быў на вайне
Пстрычка істэблішменту: Бутыджыдж і Сандэрс перамагаюць на кокусах у Аёве
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары