U Čyrvonym kaściole pradavali nastojku «Antykaranavirus». Što?! FOTAFAKT
U minskim Čyrvonym kaściole zaŭvažyli ŭ prodažy dziŭny cuda-srodak. Heta vodny ekstrakt prapolisu «Antykaranavirus», jaki nibyta zaścierahaje ad chvaroby.
U chramie kažuć, što ŭ ich kijosku takoj nastojki niama. Sam kaścioł u jakaści prafiłaktyki prapanuje bolš tradycyjny srodak: na ŭvachodzie paviesili dazatary z antyseptykam.
Handlavać nastojkaj pryjazdžali pinskija pčalary.
Ekstrakt vyrablaje pryvatnaja kampanija. Jaje dyrektar (i adnačasova pčalar) Mikałaj Kačanoŭski raskazaŭ, jak hatujecca cuda-srodak. Spačatku siem dzion nastojvajecca kremnijevaja vada, a paśla ŭ jaje dadajecca prapolis, rastopleny na vadzianoj łaźni.
«Srodak pavyšaje imunitet, heta mocny pryrodny antybijotyk, — zapeŭnivaje pčalar. — Ja sam dla prafiłaktyki jaho daŭno pju».
Mikałaj Kačanoŭski dadaje, što hety srodak dobry i dla dziaciej, i dla starych. Možna navat u vočy zakapvać (nie dla prafiłaktyki virusa, a nibyta dla palapšeńnia zroku). Šklanačku na 100 mililitraŭ jon pradaje za 4 rubli.
Nahadajem, što vakcynu ad karanavirusa jašče nie raspracavali, a aficyjnaja miedycyna ŭ jakaści prafiłaktyki raić prytrymlivacca mieraŭ hihijeny.
-
Navukoŭcy ŭpieršyniu zafiksavali sparvańnie leapardavych akuł. Akazałasia, što ŭdzielničajuć samka i adrazu dva samcy VIDEA
-
Žychara Ivacevičaŭ vyhnali sa škoły za toje, što kuplaŭ smažanki
-
Viadučaja STB katałasia na rasijskich numarach, jakija niechta prylapiŭ na skotč — i nie viedała pra heta. Cud rastłumačyli ŭ 102
Ciapier čytajuć
Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj20
Kamientary