Pampiea: Ułady Kitaja dapuścili vyjezd sotniaŭ tysiač infikavanych karanavirusam
Dziaržsakratar ZŠA Majkł Pampiea miarkuje, što ŭłady Kitaja raniej dazvolili vyjechać z horada Uchań sotniam tysiač zaražanych karanavirusam ludziej. Z hetym śćviardžeńniem kiraŭnik zamiežnapalityčnaha viedamstva ZŠA vystupiŭ u sieradu ŭ efiry telekanała Fox News.
Pavodle viersii Pampiea, z-za dziejańniaŭ kiraŭnictva KNR «uźnikła niebiaśpieka nie tolki dla kitajcaŭ, ale i dla ludziej va ŭsim śviecie». Jak miarkuje dziaržsakratar ZŠA, ułady Kitaja «viedali pra ryzyku», ale nibyta «zmarnavali važnyja pieršyja dni ŭ pačatku, dazvoliŭšy sotniam tysiač ludziej źjechać z Uchani i adpravicca ŭ takija miescy, jak Italija, dzie ciapier pakutujuć». «Jany sprabavali nie dapuścić pašyreńnia infarmacyi <…> zamiest taho, kab pasprabavać pa-sapraŭdnamu pieraškodzić pašyreńniu virusa, čaho patrabavaŭ śviet», — dadaŭ Pampiea.
Uspyška ŭ kancy 2019 hoda ŭ Centralnym Kitai vyklikanaha novym karanavirusam zachvorvańnia raspaŭsiudziłasia amal na 140 krain i była pryznana Suśvietnaj arhanizacyjaj achovy zdaroŭja pandemijaj. Pavodle apošnich źviestak, u śviecie zarazilisia zvyš 210 tys. čałaviek, kala 8,5 tys. pamierli.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary