Łukašenka apublikavaŭ zvarot da biełarusaŭ i rasijanaŭ. Z nahody dnia jadnańnia
«Sardečna vinšuju vas z Dniom jadnańnia narodaŭ Biełarusi i Rasii, — havorycca ŭ zvarocie. — Śviata, jakoje ŭpisana ŭ histaryčny kalandar našych krain bolš za 20 hadoŭ tamu, uvasablaje ščyraje imknieńnie biełarusaŭ i rasijan praciahvać słaŭnyja tradycyi svaich dziadoŭ i baćkaŭ — žyć u miry i zhodzie, budavać ahulny tryvały dom na karyść ciapierašniaha i budučych pakaleńniaŭ».
«Intehracyjnyja pamknieńni biełarusaŭ i rasijan zasnavany nie tolki na ahulnych ekanamičnych intaresach i ŭzajemavyhadnym handli. Ich stryžniem zaŭsiody byli, jość i buduć nieparušnaje šmathadovaje siabroŭstva i źjadnanaść narodaŭ, zahartavanych na frantach Vialikaj Ajčynnaj vajny, 75-hodździe Pieramohi ŭ jakoj my budziem uračysta adznačać u hetym hodzie», — zaznačaje Łukašenka.
«My praviali vialikuju rabotu. Ale jašče šmat treba budzie zrabić na šlachu raŭnapraŭnaj uzajemavyhadnaj intehracyi i ŭmacavańnia Sajuznaj dziaržavy. Paśpiachovaść realizacyi našych płanaŭ budzie zaležać ad niaŭchilnaha vykanańnia pryniatych damoŭlenaściaŭ, vyklučeńnia nacyjanalnaha pratekcyjanizmu, likvidacyi isnujučych barjeraŭ, vyklučeńniaŭ i abmiežavańniaŭ. U nas dla hetaha jość usio nieabchodnaje — vola da jadnańnia, mahutnaja materyjalna-techničnaja baza, vysokaprafiesijnyja kadry, pracavityja i talenavityja ludzi», — dadaje jon.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?7
Kamientary