Kiraŭnik fiederacyi futboła, jaki schłusiŭ pra pieranos matča ź Viciebska: Heta nie Karanika sprava
Staršynia Biełaruskaj fiederacyi futboła Uładzimir Bazanaŭ vystupiŭ z krytykaj na adras ministra achovy zdaroŭja Biełarusi, paviedamlaje Tribuna.
— U ABFF kažuć, što mohuć prypynić čempijanat, kali budzie dastatkova padstaŭ. Što heta za padstavy?
— My manitorym situacyju pastajanna. My na suviazi ź Ministerstvam achovy zdaroŭja, z uradam. My ciesna pracujem i budziem, naturalna, usio analizavać. U paniadziełak-aŭtorak budzie zrazumieła.
— Try, čatyry tysiačy chvorych — heta dastatkovyja padstavy? Ci, moža, štodzionny pryrost pa 400 zachvarełych?
— Heta taksama psichoz. Pahladzicie na stanovišča ŭ inšych krainach. Niamieččyna ŭžo zdymaje karancin. Vy zrazumiejcie, nie pavinna być hetaha. Ludzi chvareli, chvarejuć i buduć chvareć. Nu a my pavinny sačyć: uspyška tam ci nie. Moža, hulniu pieranieści kudyści, kali spatrebicca. Pa Viciebsku kazali šmat… Ale ž tam vypaŭ śnieh.
— Pry hetym ministr achovy zdaroŭja Uładzimir Karanik kaža, što z-za karanavirusa.
— Heta naohuł nie Karanika sprava — ahučvać takija momanty. Tam sapraŭdy vypaŭ śnieh. Hulać było niemahčyma, — skazaŭ Bazanaŭ.
Razmova idzie pra matč 3-ha tura čempijanata krainy «Viciebsk» — «Smalavičy», što mieŭsia prajści ŭ horadzie 4 krasavika. Napiaredadni «Presboł» paviedamiŭ, što hulnia pieraniesiena ŭ Barysaŭ z-za składanaj emidemijałahičnaj abstanoŭki. Paźniej ABFF zajaviła, što pryčynaj pieranosu matča nazyvajuć «składanyja ŭmovy nadvorja», praź jakija «stan pola vyklikaŭ zaściarohi». Na nastupny dzień FK «Viciebsk» apublikavaŭ fatazdymki pakrytaha śnieham pola, što vyklikała žarty ŭ sacsietkach.
U minułuju subotu, 11 krasavika, ministr achovy zdaroŭja Uładzimir Karanik na bryfinhu zajaviŭ, što ŭ haradach, dzie niespryjalnaja epidemijałahičnaja situacyja, matčy nie pravodziać, prykład tamu — Viciebsk.
Kamientary