Što ciapier na Kapylščynie, kudy karanavirus pryjšoŭ raniej za inšyja rehijony?
U kancy sakavika karanavirus vyjavili ŭ Kapylskim rajonie. Epicentram zaražeńnia stali vioski Doktaravičy, Novyja Doktaravičy, a taksama Vuhły. Niekalki dziasiatkaŭ žycharoŭ hetych pasieliščaŭ špitalizavali ŭ balnicy Minska, Barysava i Kapyla.
1 krasavika ŭ Kapylskaj centralnnaj rajonnaj balnicy pamierła 70-hadovaja nastaŭnica anhlijskaj movy Natalla Arłova, jakaja kolki dzion pierad hetym znachodziłasia na adzinym u rajonie aparacie ŠVŁ.
«Usio narmalna ŭ nas. Bolš za pałovu chłopcaŭ užo paprychodzili na pracu, pavaročalisia z balnic. Bolš nichto nie pamiraŭ, usio dobra», — skazali nam u Doktaravičach.
Brat i muž pamierłaj Natalli Arłovaj taksama pajšli na papraŭku.
Parazmaŭlaŭ z «Našaj Nivaj» i hałoŭny doktar Kapylskaj rajonnaj balnicy.
31 sakavika častka supracoŭnikaŭ balnica syšła na karancin. Heta značyć, što jany žyli na pracy, praciahvajučy vykonvać svaje funkcyi.
«Karancina ŭ nas nie było, jak va ŭsioj krainie, — kaža hałoŭny ŭrač Siarhiej Paciajkovič.
— Niekatoryja supracoŭniki žyli i pracavali tak, jak im było zručna, my im byt zabiaśpiečyli. Pa-roznamu, niekatoryja žyvuć pa-raniejšamu ŭ balnicy, častka — pa damach. Situacyja stabilizavałasia. Mnohija ludzi ŭžo viartajucca pa damach, šmat tych, chto papraviŭsia».
Čytajcie:
«Pryjechaŭ syn-dalnabojščyk, paśla Valu zabrali ŭ balnicu». Što adbyvajecca ŭ Doktaravičach na Kapylščynie?
«Paviazuć u Minsk na kremacyju». Pieršaja śmierć u kapylskaj vioscy, dzie ŭspychnuŭ karanavirus
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary