Karty BPS-Śbierbanka voźmuć «tajm aŭt» u noč na 27 krasavika z-za pierachodu na novy pracesinh
BPS-Śbierank papiaredziŭ, što ŭ noč na 27 krasavika budzie abmiežavana absłuhoŭvańnie kartak u suviazi ź pierachodam na ŭłasny pracesinh. U toj ža čas sama «mihracyja» projdzie ŭ miakkim režymie, heta značyć ad uładalnikaŭ kartak nie spatrebicca jakich-niebudź dziejańniaŭ.
Kartki buduć «na paŭzie» ŭ noč na 27 krasavika. U hety pieryjad buduć niedastupnyja apieracyi pa kartach banka, uklučajučy apieracyi ŭ internecie, p2p-tranzakcyi, absłuhoŭvańnie ŭ kramach, infakijoskach i bankamatach. Abmiežavańni zakranuć u tym liku raboty mabilnaha i internet-banku dla fizičnych asob. Bankamaty i infakijoski BPS-Śbierbanka praciahnuć funkcyjanavać u zvyčajnym režymie.
Paśla asnoŭnaha etapu «mihracyi» da 16.30 27 krasavika buduć paśladoŭna padklučać asobnyja płaciažy i servisy. U hety čas mohuć być niedastupnyja papaŭnieńnie rachunkaŭ, pahašeńnie kredytaŭ praz ARIP, mahčymyja časovyja admovy ŭ aŭtaryzacyjach pa kartach Mastercard i Visa pry ździajśnieńni apieracyj u internecie, za miažoj abo ŭ čužych pryładach. Pierakłady na karty inšych bankaŭ praz pryłady BPS-Śbierbanka buduć abmiežavanyja pa 10 maja.
BPS-Śbierbank znachodzicca na druhim miescy pa abjomie emisii kart u krainie. Usiaho bank vypuściŭ kala 1,5 miljona kartak. Z 27 krasavika bank vierniecca da vydačy imiannych kartak, ale ŭžo na bazie ŭłasnaha pracesinhu.
-
Prarasijskaha aktyvista, paplečnika Mirsalimavaj asudzili na 10 sutak za «ekstremizm»
-
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju
-
Polskaja palicyja nie zmahła pakul vyznačyć, dzie znachodzicca śpikierka KR Anžalika Mielnikava
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary