«Na terytoryi našaj krainy moža dziejničać hłyboka zakanśpiravanaja arhanizacyja, jakaja damahajecca peŭnych metaŭ», — kaža ministr unutranych spraŭ.
Śledztva ŭ spravie ab vybuchu na kancercie z nahody Dnia niezaležnaści ŭ Miensku daśleduje dźvie apošnija versii.
Pra heta paviedamiŭ ministar unutranych spravaŭ Biełarusi Ŭładzimier Navumaŭ:
«Pieršapačatkova ŭ nas było niekalki versijaŭ. Heta terarystyčny akt, napad na vyšejšych kiraŭnikoŭ, chulihanstva. Ciapier my pryjšli da vysnovy, što niekatoryja ź ich nieabhruntavanyja. I ciapier my razhladajem dźvie versii. Pieršaja — vybuch pa nieŭstanoŭlenych pryčynach moh učynić adzinočka. Druhaja — na terytoryi našaj krainy moža dziejničać hłyboka zakanśpiravanaja arhanizacyja, jakaja damahajecca peŭnych metaŭ».
Zajava prahučała ŭ interviju hazecie «Komsomolskaja pravda v Biełarusi».
Pavodle spadara Navumava, zamiežnyja admysłoŭcy paśla daśledavańnia druhoha samarobnaha prystasavańnia, jakoje nie vybuchnuła ŭ časie kancertu, u pakiecie ad soku «Sadočak», pryjšli da vysnovy, što jamu niama analahaŭ va ŭsim śviecie.
U hetym pakiecie znojdziena 700 hramaŭ trypierakisi acetonu, lampačka ŭ jakaści detanatara, batarejki, budzilnik zamiežnaj vytvorčaści, ale kuplenyja ŭ Biełarusi. Takoje prystasavańnie ŭ narodzie nazyvajecca «kisa», jano było zroblenaje ŭ Biełarusi ŭ chatnich umovach, — zaznačyŭ Navumaŭ.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary