Viktoryja Azaranka vyjhrała svoj treci turnir u indyvidualnym razradzie. U finale prestyžnaha turniru ŭ Majami jana pieramahła pieršuju rakietku śvietu Sierenu Ŭiljams – 6:3, 6:1.
U finale prestyžnaha turniru WTA Ericsson Open u Ki-Biskiejnie (Majami, ZŠA) u subotu viečaram Viktoryja vyjhrała ŭ pieršaj rakietki śvietu Siereny Ŭiljams – 6:3, 6:1.
Sierena, praŭda, hulała z traŭmavanaj nahoj.
Ahulny pryzavy fond turniru składaŭ 4,5 młn dalaraŭ. Viktoryja atrymaje za pieramohu 700 tys. dalaraŭ.
Na šlachu da finału Viktoryja vyjhrała ŭ Anastasii Paŭlučenkavaj (6:2, 6:2), Anny Čakvetadze (6:1, 6:4), Ahnieš Savai (6:2, 6:4), Samanty Stosur (6:1, 6:0) i Śviatłany Kuźniacovaj (6:3, 2:6, 7:5).
Takim čynam biełaruska na turniry ŭ Majami prajhrała tolki adzin set – Kuźniacovaj.
Heta treci turnir u indyvidualnym razradzie, vyjhrany 19-hadovaj Viktoryjaj.Pryčym usie turniry byli vyjhrany sioleta: u studzieni ŭ Brysbenie (Aŭstralija), u lutym – u Memfisie (ZŠA).
Paśla pieramohi ŭ Ki-Biskiejnie biełaruska pieramieścicca na vośmy radok u rejtynhu WTA.
Kamientary