Namieśnik ministra skazaŭ, što zachvorvańnie na karanavirus u niekatorych rehijonach źnižajecca. Voś tolki ličby nie nazvaŭ
Pra heta paviedamiŭ žurnalistam pieršy namieśnik ministra achovy zdaroŭja Dźmitryj Pinievič, pieradaje BIEŁTA.
Raniej za ŭsio ŭ zvyčajny režym pracy pačali viartacca ŭstanovy achovy zdaroŭja, aryjentavanyja na pacyjentaŭ z karanavirusam, u Viciebskim rehijonie. Niadrennaje stanovišča i ŭ Mahiloŭskaj vobłaści, adznačyŭ pieršy namieśnik ministra.
«Byŭ rost zachvorvańnia ŭ Bresckaj vobłaści, prytym praktyčna pa ŭsich bujnych haradach, ale zachvorvańnie taksama idzie na spad.
U Homielskim rehijonie jość niekatoryja pytańni. Ja zaŭtra tudy vyjazdžaju, našy śpiecyjalisty tam taksama papracavali, ministr niadaŭna byŭ», — skazaŭ Dźmitryj Pinievič.
Situacyja ŭ abłaściach znachodzicca pad kantrolem kiraŭnictva Ministerstva achovy zdaroŭja. «My trymajem situacyju na ručnym kiravańni, u pieršuju čarhu dla akazańnia kansultacyj i mietadyčnaj dapamohi», — dadaŭ pieršy namieśnik ministra.
Biełaruś ci nie adzinaja kraina Jeŭropy, dzie nie nazyvajecca ličby zachvarełych pa rehijonach (apošni raz pa abłaściach ahučvałasia ŭ krasaviku). U toj ža Litvie i Estonii pryvodzicca nie tolki padrabiaznaja statystyka pa kožnym rajonie, ale navat pa ŭzrostavych hrupach. Isnujuć śpiecyjalnyja anłajn-mapy, dzie kožny achvotny moža pahladzieć padrabiaznuju infarmacyju.
Kamientary