Solidarność: Polšča nakiravała ŭ Biełaruś 47 fur ź miedycynskimi hruzami dla baraćby z COVID-19

Hruzaviki viazuć 1000 kubamietraŭ hruzu, u tym liku maski, leki, testy na karanavirus, srodki indyvidualnaj abarony, a taksama 30 darahich aparataŭ štučnaj vientylacyi lohkich.
47 hruzavikoŭ z 300 tonami humanitarnaj dapamohi dla baraćby z epidemijaj COVID-19 vypravilisia z Polščy ŭ Biełaruś. 5 červienia hruz prybudzie na Horadzienščynu i ŭ Minsk, paviedamlaje «Svaboda».
Heta ŭžo druhaja partyja humanitarnaj dapamohi, pryznačanaja dla Biełarusi.

Jak padkreśliŭ dziaržsakratar kancylaryi premjer-ministra Polščy Michał Dvorčyk, heta najbujniejšaja partyja humanitarnaj dapamohi ŭ historyi sučasnaj Polščy. Jaje dastaviać u špitali Hrodzienskaj vobłaści i Minska.
Na miažy hruz sustrenuć pradstaŭniki Ministerstva achovy zdaroŭja, Ministerstva zamiežnych spraŭ i Polskaj ambasady ŭ Minsku.
Heta najbolšaja partyja humanitarnaj dapamohi, jakuju naša kraina atrymała ad jakoj-kolviek zamiežnaj krainy za pieryjad pandemii.

«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ

Kamientary