U Lidzie padletki pakłali doški na rejki. Vyratavała bliskučaja reakcyja mašynista pasažyrskaha ciahnika
Na miescy zdareńnia dzieci pakinuli padpisany školny sšytak.
Zdareńnie adbyłosia viečaram 31 maja. Čaćviora padletkaŭ 15 i 16 hadoŭ, vučni adnoj sa škoł Lidy, vyrašyli pravieści niebiaśpiečny ekśpierymient. Jany vykłali na rejki niekalki došak i čakali, što budzie, kali pa ich prajedzie ciahnik, paviedamlaje abłasnaja milicyja.
U hety čas prajazdžaŭ ciahnik PESA Hrodna — Minsk. Mašynist svoječasova zaŭvažyŭ pieraškodu, paśpieŭ spynicca. Na ščaście, abyšłosia biez paškodžańnia techniki i traŭmaŭ ludziej.
Padletkaŭ chutka vyličyli: pobač ź miescam zdareńnia znajšłasia vokładka ad sšytka ź imiem, proźviščam i miescam vučoby adnaho ź ich.
Školnikaŭ pryciahnuli da administracyjnaj adkaznaści. Jany ŭsie z dobrych siemjaŭ, a nieabdumanyja pavodziny patłumačyli cikaŭnaściu.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary