У Лідзе падлеткі паклалі дошкі на рэйкі. Выратавала бліскучая рэакцыя машыніста пасажырскага цягніка
На месцы здарэння дзеці пакінулі падпісаны школьны сшытак.
Здарэнне адбылося вечарам 31 мая. Чацвёра падлеткаў 15 і 16 гадоў, вучні адной са школ Ліды, вырашылі правесці небяспечны эксперымент. Яны выклалі на рэйкі некалькі дошак і чакалі, што будзе, калі па іх праедзе цягнік, паведамляе абласная міліцыя.
Фота абласной міліцыі
У гэты час праязджаў цягнік PESA Гродна — Мінск. Машыніст своечасова заўважыў перашкоду, паспеў спыніцца. На шчасце, абышлося без пашкоджання тэхнікі і траўмаў людзей.
Падлеткаў хутка вылічылі: побач з месцам здарэння знайшлася вокладка ад сшытка з імем, прозвішчам і месцам вучобы аднаго з іх.
Школьнікаў прыцягнулі да адміністрацыйнай адказнасці. Яны ўсе з добрых сем'яў, а неабдуманыя паводзіны патлумачылі цікаўнасцю.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк10
Каментары