Bazanaŭ pra Nacyjanalny stadyjon: Kali budziem mieć takuju arenu, to 100% vyjhrajem prava na praviadzieńnie finału Lihi čempijonaŭ
Kiraŭnik Biełaruskaj fiederacyi futboła Uładzimir Bazanaŭ ličyć, što z pačatkam budaŭnictva nacyjanalnaha futbolnaha stadyjona ŭ našaj krainy vyrastuć šancy atrymać prava na praviadzieńnie matču top-uzroŭniu, piša Tribuna.com.
— My vielmi šmat zajaŭlali dla praviadzieńnia niejkaha dobraha futbolnaha [matču] z udziełam našaj krainy. Dapuścim, finału Lihi Jeŭropy, Lihi čempijonaŭ, Supierkubka Jeŭropy. I praktyčna nam uvieś čas admaŭlali, bo ŭ nas niama takoha stadyjona. I kali my budziem taki mieć, to dumaju, što my 100 adsotkaŭ možam ličyć, što my vyjhrajem, — skazaŭ Bazanaŭ u efiry «Biełaruś 1».
Učora stała viadoma pra toje, što na hatovaj placoŭcy pa vulicy Vaniejeva ŭ Minsku z 1 lipienia pačnucca raboty pa ŭźviadzieńni futbolnaha stadyjona, raźličanaha na 33 tysiačy miescaŭ. Zdača abjekta čakajecca ŭ kancy 2023 hoda. Prajekt pa budaŭnictvie nacyjanalnaha futbolnaha stadyjona ažyćciaviŭsia pry padtrymcy Kitaja, jaki vyłučyŭ dla budaŭnictva areny i basiejna mižnarodnaha standartu pa vuł. Kalvaryjskaj 240 miljonaŭ dalaraŭ biazvypłatnaj dapamohi.
Raniej ABFF nieadnarazova padavała zajaŭki na praviadzieńnie top-matčaŭ, adnak zajaŭka Biełarusi nie vytrymlivała kankurencyi.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary