Uciomnuju. Hramadzianam admaŭlajuć u mahčymaści daviedacca, ci byŭ pryznany sapraŭdnym ich podpis za kandydata
Hramadzianie, jakija sprabavali daviedacca, ci byŭ pryznany sapraŭdnym ich podpis za kandydata, atrymlivajuć ad kamisij adkazy pra toje, što «infarmavańnie pra dastaviernaść podpisu nie praduhledžanaje».
Takim čynam, jak vyjaviłasia, hramadzianie nie majuć nijakaha zakonnaha sposabu pravieryć, ci nie było falsifikacyj na etapie pravierki dastaviernaści podpisaŭ kamisijami.
U minułyja prezidenckija kampanii takich pytańniaŭ nie ŭźnikała. Ale sioleta raptam pałova podpisaŭ, padadzienych za miecenata Viktara Babaryku i dypłamata Valeryja Capkału, byli pryznanyja niedastaviernymi. Miž tym, heta byli kandydaty, pikiety pa zbory podpisaŭ za jakich byli masava zaŭvažnyja.
Viktar Babaryka sabraŭ rekordnuju dla alternatyŭnaha kandydata kolkaść podpisaŭ u svaju padtrymku — kala 430 tysiač, u jaho taksama była inicyjatyŭnaja hrupa rekordnaj kolkaści — 9000 čałaviek.
Paśla hetaha Babaryku aryštavali, a podpisam zrabili sielekcyju za zakrytymi dźviaryma vybarčych kamisij, jakija na 99% składajucca z łukašenkaŭcaŭ. Prykładna 2000 niezaležnych kandydataŭ u vybarčyja kamisii było admoŭlena — kamisii ŭtvarajuć vykankamy, kiraŭnictva jakich pryznačajecca Alaksandram Łukašenkam ci ŭzhadniajecca ź im, što ŭtvaraje zamknionaje koła.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary