Akcior bresckaha teatra atrymaŭ 15 sutak aryštu za akcyju. Ź izalatara jaho pavieźli ŭ balnicu
Zatrymany ŭ Breście 14 lipienia paśla akcyi salidarnaści akcior miascovaha teatra dramy Dzianis Saroka atrymaŭ 15 sutak administracyjnaha aryštu. Ale ŭ IČU jon prabyŭ niadoŭha: ź izalatara akciora pavieźli ŭ balnicu. Napiaredadni Saroka raspavioŭ Tut.by, što ŭ RAUS suprać jaho ŭžyvali fizičnuju siłu za toje, što jon sprabavaŭ zdymać na telefon.
Dzianisa Saroku zatrymali 14 lipienia, 16-ha — pryvieźli ŭ sud. Dzianis paprasiŭ pieranieści pasiadžeńnie, kab jon moh zaklučyć damovu z advakatam.
— Paśla zatrymańnia ja patrabavaŭ, kab mnie dali advakata. Mnie admovili. Mała taho, zabaranili navat zrabić choć by adzin zvanok. Matyvavali heta tym, što «ŭ nas nie Amieryka», — kazaŭ u sudzie Dzianis.
Pasiadžeńnie pieranieśli na 17 lipienia. Na svabodzie Dzianis raspavioŭ karespandentu, što paśla zatrymańnia da jaho ŭžyli fizičnuju siłu za toje, što jon sprabavaŭ zdymać u rajadździele videa na telefon.
Potym byŭ pieršy sud, pošuki advakata i sproba napisać zajavu ŭ prakuraturu. Tam jaje prymać admovilisia.
Paśla śviedčańnia milicyjaniera, što Saroka aktyŭna ŭdzielničaŭ u akcyi, sudździa pryniaŭ rašeńnie pakarać jaho 15 sutkami administracyjnaha aryštu — i akciora adrazu pavieźli ŭ IČU.
Zaraz Dzianis Saroka znachodzicca ŭ špitali: u IČU jamu znoŭ stała drenna.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary