Pasłuchajcie, jak hučyć kavier na «Pieramien» Coja pa-biełarusku ŭ «dystancyjna charavym» vykanańni
Biełarusy znoŭ sabralisia razam u anłajnie, kab praśpiavać chit Viktara Coja «Pieramien». Ale pa-biełarusku! Pierakład zrabiŭ Andrej Chadanovič.
Śpiavajuć tak samaaddana i ščyra, što sapraŭdy vieryš: jany adbuducca!
U zapisie pieśni paŭdzielničali: Stanisłaŭ Mytnik (AKUTE), Aleś Lutyč (:B:N:), Pavał Haradnicki (RSP), Mikita Miacielski (saksafon), Źmicier Šampanaŭ (Inomarki), hurt M.T.M, KATEVAN, Siarhiej Bašłykievič, Vadzim Ramanaŭ, Maryja Łysienka, Palina Dabravolskaja, Pavał Łubčonak, Volha Franko i inšyja.
Nahadajem, što takija muzyčnyja «sustrečy» biełarusaŭ adbyvajucca ŭ miežach prajekta «Śpiavajem Hodna», što ładzić hramadskaja kampanija «Hodna» sumiesna z muzykam Sieržukom Doŭhušavym, lidaram hurta Vuraj i stvaralnikam inicyjatyvy «Śpieŭny schod».
Sens jaho: źbirać u anłajn-farmacie biełarusaŭ z roznych kutkoŭ śvietu i śpiavać viadomyja i znakavyja biełaruskija pieśni razam ź ich aŭtarami i vykanaŭcami.
U zapisie novych piesień moža paŭdzielničać kožny achvotny. Kab nie prapuścić naviny, dałučajciesia da telehram-kanała i čata «Hodna»: https://t.me/hodnaby.
Budzie nastupnaja pieśnia ŭ anłajn ci afłajn farmacie — jašče nieviadoma. Ale pra ŭsio budzie svoječasova paviedamlena ŭ sacyjalnych sietkach «Hodna».
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary