SK pra rasijskich bajevikoŭ: Jany nie źbiralisia lacieć u Stambuł
Novyja padrabiaznaści ŭ spravie ab bajcach pryvatnaj vajennaj kampanii «Vahniera» paviedamili ŭ efiry ANT.
U siužecie śćviardžajecca, što Biełaruś nie była tranzitnym punktam dla rasijanaŭ.
«Ciapier śledstva maje dokazy, što Biełaruś nie była krainaj tranzitu dla bajcoŭ, a ŭsie razam jany byli atradam», — havorycca ŭ siužecie.
Paviedamlajecca, što rasijskija bajeviki nibyta mieli kvitki na samalot, ale da aeraporta nie dajechali i raźviarnulisia. Rejs palacieŭ biez 33 pasažyraŭ.
«U hrupy była mahčymaść palacieć i paźniej. Jany nie kuplali kvitki na nastupnyja rejsy. A ich u Stambuł u nastupnyja dni było ździejśniena čatyry», — zapeŭnivaje ANT.
Pa viersii śledstva, vylet u Turcyju — manieŭr, spłanavany zahadzia, havorycca ŭ siužecie.
Śledstva maje i inšyja źviestki, jakija nibyta paćviardžajuć, što kančatkovym punktam maršrutu byŭ mienavita Minsk, zapeŭnivajuć dziaržaŭnyja žurnalisty.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary