Byłoha supracoŭnika biełaruskaha Śledčaha kamiteta Andreja Astapoviča, jaki padaŭ u adstaŭku paśla pratestaŭ i zatrymanaha 21 žniŭnia ŭ Pskovie, vyvieźli na terytoryju Biełarusi. Pra heta telekanału «Dožd́» paviedamiŭ advakat Astapoviča Viačasłaŭ Hałavin.
Pa słovach advakata, u dziažurnaj častcy Pskoŭskaj palicyi jamu paviedamili, što Astapoviča vypuścili. «Potym nieviadomyja ludzi pasadzili jaho ŭ mašynu i vyvieźli na terytoryju Biełarusi», - raspavioŭ advakat sa spasyłkaj na krynicu.
Hałavin vykazaŭ zdahadku, što da zdareńnia datyčnyja supracoŭniki milicyi Biełarusi. Jakija-niebudź inšyja padrabiaznaści advakat admoviŭsia nazyvać u metach biaśpieki svajho padabaronnaha.
Napiaredadni stała viadoma, što Astapoviča zatrymali ŭ Pskoŭskaj haścinicy «Ryžskaja». Były śledčy sprabavaŭ źjechać praz Rasiju ŭ Łatviju, ale z-za abmiežavańniaŭ na vyjezd z-za karanavirusa nie zmoh heta zrabić.
Hałavin raspavioŭ, što Astapovič pierasiok miažu ŭ Smalenskaj vobłaści i pryjechaŭ u Maskvu, adkul jon płanavaŭ pajechać u Łatviju, adnak jaho nie puścili ŭ krainu z-za abmiežavańniaŭ, źviazanych z COVID-19, i adsutnaści vizy D.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary