Pres-sakratar prezidenta Rasii Dźmitryj Piaskoŭ zaklikaŭ u aŭtorak u razmovie z žurnalistami nie ŭdavacca ŭ razvahi pra toje, jak budzie dziejničać Kreml, kali Alaksandr Łukašenka nie ŭtrymajecca va ŭładzie ŭ Biełarusi, piša TASS.
«Ja by ŭ takija evientualnyja razvahi nie ŭrazaŭsia ciapier, nie zajmaŭsia b hetym. Ja b nie staŭ abmiarkoŭvać hetuju temu», — skazaŭ Piaskoŭ.
Adkazvajučy na pytańnie ab tym, jak by ŭ Kramli acharaktaryzavali ciapierašnija adnosiny Maskvy i Minska, uličvajučy pieramienlivyja nastroi biełaruskaha lidara, Piaskoŭ zrabiŭ akcent na tym, što «havorka idzie ab adnosinach pamiž dźviuma krainami».
«Havorka nie idzie ab asabistych adnosinach Pucina i Łukašenki. Viadoma, dla Rasii Biełaruś zaŭsiody była najbližejšym sajuźnikam, brackaj i siabroŭskaj krainaj. My raźličvajem na toje, što tak i zastaniecca», — skazaŭ na zakančeńnie pres-sakratar rasijskaha lidara.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary