Łukašenka atrymaŭ Šnobieleŭskuju premiju za staŭleńnie da karanavirusa
U Harvardskim univiersitecie ŭ ZŠA prajšła cyrymonija ŭručeńnia žartoŭnaj Šnobieleŭskaj premii, jakuju prysudžajuć za sumnieŭnyja i absurdnyja navukovyja dasiahnieńni i idei.
U 2020 hodzie premii ŭ halinie miedycynskaj adukacyi była prysudžanaja Alaksandru Łukašenku, Uładzimiru Pucinu, Donaldu Trampu, a taksama lidaram jašče piaci dziaržaŭ.
«Uznaharoda ŭ halinie miedycynskaj adukacyi prysudžana lidaram Brazilii, Vialikabrytanii, Indyi, Mieksiki, Biełarusi, ZŠA, Turcyi, Rasii i Turkmienistana za vykarystańnie pandemii karanavirusa dla taho, kab navučyć śviet tamu, što palityki mohuć macniej upłyvać na žyćcio i śmierć, čym navukoŭcy i lekary», — zajaviŭ zasnavalnik premii Mark Abrachams.
Sioleta ŭznaharodaj łaŭreatam staŭ źlepleny ź listoŭ pisčaj papiery kub i kopija banknoty ŭ 10 tryljonaŭ zimbabvijskich dalaraŭ.
U 2013 hodzie Łukašenka ŭžo atrymlivaŭ Šnobieleŭskuju premiju razam ź minskaj milicyjaj. Tady padstavaj dla hetaha stała zabarona publičnych apładysmientaŭ u Biełarusi i zatrymańnie siłavikami adnarukaha čałavieka ź invalidnaściu, jakoha abvinavacili ŭ parušeńni hetaj zabarony.
Kamientary