Mužčyna spaliŭ siabie kala budynka milicyi ŭ Smalavičach
Miascovy žychar, jaki staŭ pieršakrynicaj infarmacyi, paviedamiŭ karespandentu «Našaj Nivy», što daviedaŭsia pra incydent ad svajho znajomaha, miedyka. Toj śćviardžaje, što mužčynu špitalizavali z 90% apiokami cieła ŭ reanimacyju.
Pres-sakratarka MUS Volha Čamadanava pakul nie kamientuje situacyju.
Aściarožna, u videa — strašny kantent.
Paźniej pres-słužba MUS u telehram-kanale apublikavała svoj reliz:
«Siońnia prykładna apoŭdni 36-hadovy miascovy žychar kala Smalavickaha RAUS vyliŭ na siabie z kanistry bienzin i padpaliŭ. Ubačyŭšy heta, z budynka rajadździeła vybieh supracoŭnik i patušyŭ ahoń.
Mužčyna z apiokami znachodzicca va ŭstanovie achovy zdaroŭja.
Viadoma, što jon nieadnarazova pryciahvaŭsia da administracyjnaj adkaznaści za raśpićcio śpirtnych napojaŭ, taksama vykazvaŭsia pra sproby suicydu. Niekalki dzion tamu mužčyna telefanavaŭ u milicyju z paviedamleńniem, što jon na mohiłkach zvodzić rachunki z žyćciom. Pravaachoŭniki vyjechali tudy i praduchilili jaho dziejańni. Na miescy zdareńnia pracuje śledča-apieratyŭnaja hrupa», — adznačajecca ŭ pres-relizie.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja5
Kamientary