Va ŭmovach ciapierašniaha biesprecedentnaha źniešniaha cisku na Biełaruś jaje adnosiny z Rasijaj nie schilnyja da kanjunktury, zajaviŭ prezident RF Uładzimir Pucin, piša «Interfaks».
«Ciapier z ulikam toj niaprostaj situacyi, u jakoj apynułasia Respublika Biełaruś, u tym liku va ŭmovach biesprecedentnaha źniešniaha cisku paśla prezidenckich vybaraŭ, chacieŭ by jašče raz paŭtaryć: adnosiny Rasii i Biełarusi nie padvieržanyja ni času, ni kanjunktury», — skazaŭ jon u videazvarocie da ŭdzielnikaŭ Forumu rehijonaŭ dźviuch krain.
Pucin nahadaŭ, što krainy «metanakiravana realizujuć damovu ab stvareńni Sajuznaj dziaržavy i aktyŭna ŭdzielničajuć u dziejnaści Jeŭrazijskaha ekanamičnaha sajuza».
— Chacieŭ by jašče raz paŭtaryć: adnosiny Rasii i Biełarusi nie padvieržanyja ni času, ni kanjunktury, majuć pad saboj tryvały padmurak, bo našy dziaržavy abjadnoŭvajuć tryvałyja, jakija sychodziać karaniami ŭ stahodździ, kulturnyja i duchoŭnyja suviazi, šyrokija rodnasnyja i siamiejnyja poviazi, ahulnaja sumiesnaja historyja.
Jon taksama nahadaŭ pra sumiesnyja prajekty, inviestycyi ŭ biełaruskuju ekanomiku, supracoŭnictva ŭ baraćbie z pandemijaj i namahańni pa adnaŭleńni pierapynienaha karancinam transpartnych znosin.
Kamientary