Aleś Bialacki ŭhanaravany prestyžnaj mižnarodnaj premijaj «Za hodny ład žyćcia — 2020»
Siońnia šviedski fond «Right Livelihood Award Foundation» nazvaŭ łaŭreataŭ štohadovaj premii «Za hodny ład žyćcia — 2020». Siarod čatyroch łaŭreataŭ — biełaruski pravaabaronca, staršynia pazbazŭlenaha rehistracyi pravabarončaha centra «Viasna» Aleś Bialacki, paviedamlaje spring96.org.
Heta viadomaja mižnarodnaja ŭznaharoda, jakuju jašče nazyvajuć alternatyŭnaj nobieleŭskaj premijaj. Joj upieršyniu ŭhanaravany hramadzianin Biełarusi.
Aleś Bialacki i siabry «Viasny» nieadnarazova padviarhalisia pieraśledu z boku ŭładaŭ za achviarnuju pravaabarončuju dziejnaść. U 2011 hodzie Aleś Bialacki byŭ asudžany na 4,5 hady pazbaŭleńnia voli. Pad ciskam biełaruskaha hramadstva i mižnarodnaj supolnaści ŭłady byli vymušany vyzvalić Alesia daterminova letam 2014 hoda.
Siońnia ŭ SIZA №1 Minska znachodzicca kaardynatarka vałanciorskaj słužby Marfa Rabkova. Jana abvinavačvajecca ŭ «navučańni ci inšaj padrychtoŭcy asob dla ŭdziełu ŭ masavych biesparadkach albo finansavańni takoj dziejnaści» (č. 3 art. 293 KK).
«Premija, jakoj uhanaravali ŭ hety dramatyčny dla historyi Biełarusi momant, źjaŭlajecca važnaj padtrymkaj dla ŭsiaho biełaruskaha hramadstva, jakoje siońnia choča demakratyčnych źmienaŭ, jakoje dabivajecca, kab pravy čałavieka ŭ Biełarusi šanavalisia i vykonvalisia», — kamientujučy ŭručeńnie mižnarodnaj premii, adznačyŭ Aleś Bialacki.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova4
Kamientary