23-hadovy dalnabojščyk z Mazyra Arciom Šykuniec aryštavany na dva miesiacy ŭ rasijskim Kiźlary (Dahiestan). Jaho ličać vinavatym u avaryi, u jakoj zahinuli 3 čałavieki, a jašče 14 čałaviek byli paranienyja.
Uviečary 7 kastryčnika Šykuniec jechaŭ na svaim trejlery «Ivieka» ŭ Astrachań. U Kiźlarskim rajonie Dahiestana jon pajšoŭ na abhon.
Kiroŭca sustrečnaj «Łady» zrazumieŭ, što biełarus nie paśpiavaje viarnucca ŭ svaju pałasu, i abačliva spyniŭsia na abočynie. Za im jechaŭ trejler «Volva», kiroŭca jakoha nie paśpieŭ zatarmazić i ŭrezaŭsia ŭ «Ładu».
Dalej — bolš. Za imi jechaŭ KAMAZ, jaki taksama nie paśpieŭ zreahavać na situacyju. Jon urezaŭsia ŭ «Volva», vykinuŭ jaho na sustrečku i raźviarnuŭ pasiarod darohi.
Voś tut i źjaviłasia mašyna, jakaja paciarpieła bolš za ŭsio, — «Haziel». Mienavita jaje i abhaniaŭ biełarus.
«Haziel» z 13 pasažyrami, 10 ź jakich školniki, ulacieła ŭ «Volva», jaki stajaŭ pasiarod darohi. A zzadu jaje ŭtrambavaŭ jašče i biełaruski «Ivieka».
Dvoje pasažyrak «Hazieli» zahinuli, kiroŭca pamior u balnicy. Dziaciej z roznymi traŭmami advieźli ŭ balnicu. Taksama špitalizavanyja ŭsie kiroŭcy, aproč taho, chto byŭ u «Ładzie».
Biełarus upeŭnieny, što jon — nie adziny vinavaty ŭ avaryi. Tym nie mienš pakul Arciom Šykuniec ličycca adzinym padazravanym. Jamu pahražaje da 7 hadoŭ źniavoleńnia.
Pašpart Novaj Biełarusi pačnuć vydavać z 26 studzienia. Što viadoma i jak atrymać?114
Kamientary