Minsk znoŭ samaizalujecca. Popyt na bieskantaktnuju dastaŭku vyras utraja
U Minsku znoŭ imkliva raście popyt na dastaŭku praduktaŭ. Tolki ŭ vieraśni prodažy tavaraŭ miedycynskaha pryznačeńnia rvanuli na 40%, a popyt na bieskantaktnuju dastaŭku naohuł patroiŭsia. Anłajn-hipiermarkiet «Je-dastaŭka» užo pašyryŭ zapasy tavaraŭ i źniziŭ minimalnuju sumu zakazu.
Popyt na dastaŭku praduktaŭ macnieje na fonie rostu kolkaści chvorych na karanavirus.
Pa statystycy «Je-dastaŭki», kolkaść zakazaŭ ŭ Minsku rezka ŭzrasła amal na 20% usiaho za tydzień, a zapytaŭ na bieskantaktnuju dastaŭku stała ŭ 3 razy bolš. Padobnaja dynamika nazirałasia tolki ŭ krasaviku i traŭni na fonie suśvietnaj pandemii.
Padvoiŭsia popyt na imbir, a voś na časnyk zastaŭsia na raniejšym uzroŭni: mnohija sabrali jaho na svaich dačnych učastkach. Jašče adna cikavaja tendencyja — rost kolkaści zakazaŭ na nieasnoŭnyja adrasy. U kampanii tłumačać: heta značyć, što dzieci afarmlajuć adnačasova zakaz sabie i baćkam, babulam i inšym blizkim ludziam. Vyrasła taksama kolkaść zakazaŭ, apłačanych dla starejšych svajakoŭ z-za miažy.
U topie — maski i krupy
Najbolš prykmietna vyras popyt na maski, antysieptyki i antybakteryjalnaje myła. Tak, prodažy masak u vieraśni pavysilisia amal na 40%. Popyt na antysieptyk taksama ŭzros na 40% u paraŭnańni z pačatkam vieraśnia, tady jak na antybakteryjalnaje — myła da 10%.
Bakaleju taksama stali zakazvać čaściej — u siarednim na 20%. Čaściej za ŭsio minčuki prosiać dastavić hračanyja i rysavyja krupy. Papularnyja pradukty dla ŭmacavańnia imunitetu, u tym liku imbir.
Paroh nižej — achop bolšy
«Je-dastaŭka» źniziła minimalnuju sumu zakazu da 35 rubloŭ. Dla piensijanieraŭ ad 75 hadoŭ i invalidaŭ paroh jašče nižejšy — 25 rubloŭ, a taksama dla ludziej z abmiežavanymi mahčymaściami dastupnaja dadatkovaja źnižka — 5%.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary