У Мінску зноў імкліва расце попыт на дастаўку прадуктаў. Толькі ў верасні продажы тавараў медыцынскага прызначэння рванулі на 40%, а попыт на бескантактную дастаўку наогул патроіўся. Анлайн-гіпермаркет «Е-дастаўка» ужо пашырыў запасы тавараў і знізіў мінімальную суму заказу.
Попыт на дастаўку прадуктаў мацнее на фоне росту колькасці хворых на каранавірус.
Па статыстыцы «Е-дастаўкі», колькасць заказаў ў Мінску рэзка ўзрасла амаль на 20% усяго за тыдзень, а запытаў на бескантактную дастаўку стала ў 3 разы больш. Падобная дынаміка назіралася толькі ў красавіку і траўні на фоне сусветнай пандэміі.
Падвоіўся попыт на імбір, а вось на часнык застаўся на ранейшым узроўні: многія сабралі яго на сваіх дачных участках. Яшчэ адна цікавая тэндэнцыя — рост колькасці заказаў на неасноўныя адрасы. У кампаніі тлумачаць: гэта значыць, што дзеці афармляюць адначасова заказ сабе і бацькам, бабулям і іншым блізкім людзям. Вырасла таксама колькасць заказаў, аплачаных для старэйшых сваякоў з-за мяжы.
У топе — маскі і крупы
Найбольш прыкметна вырас попыт на маскі, антысептыкі і антыбактэрыяльнае мыла. Так, продажы масак у верасні павысіліся амаль на 40%. Попыт на антысептык таксама ўзрос на 40% у параўнанні з пачаткам верасня, тады як на антыбактэрыяльнае — мыла да 10%.
Бакалею таксама сталі заказваць часцей — у сярэднім на 20%. Часцей за ўсё мінчукі просяць даставіць грачаныя і рысавыя крупы. Папулярныя прадукты для ўмацавання імунітэту, у тым ліку імбір.
Парог ніжэй — ахоп большы
«Е-дастаўка» знізіла мінімальную суму заказу да 35 рублёў. Для пенсіянераў ад 75 гадоў і інвалідаў парог яшчэ ніжэйшы — 25 рублёў, а таксама для людзей з абмежаванымі магчымасцямі даступная дадатковая зніжка — 5%.
-
Беларуская блогерка прадае бутэлькі колы па 100 рублёў і не толькі. За дзень яна зарабіла больш, чым некаторыя за паўгода
-
Адзіная дачка футбаліста Бялькевіча амаль нічога не памятае пра бацьку. Нарадзілася ў Кіеве, а цяпер у Расіі рвецца на ТБ
-
«У мяне на працы зніклі ўсе «ящики», засталіся толькі шуфлядкі». Дзяўчына з Віцебска падзялілася, як масквічы яе не разумеюць
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары