Vyjšaŭ zbornik hodnych biełaruskich piesień dla vykanańnia ŭ charavych kalektyvach
Ad siońnia ŭ prodažy źjaviŭsia zbornik «Hodnyja pieśni». U im znojdziecie najlepšyja nacyjanalnyja tvory i noty da ich: «Pahonia», «My vyjdziem ščylnymi radami», «Spadčyna», «A chto tam idzie?» i inšyja vybitnyja kampazicyi. Apracoŭki i redakcyi tvoraŭ, jakija ŭvajšli ŭ zbornik, pryznačany dla prafiesijnych, amatarskich i vučebnych charavych kalektyvaŭ źmiešanaha składu.
Nabyć možna ŭ Akademknizie ci anłajn na symbal.by. Košt — 4-5 rubloŭ.
U zbornik uvajšli tvory biełaruskich aŭtaraŭ, u jakich adlustravana luboŭ i pavaha da Radzimy. Tvory, što abudžajuć patryjatyčnyja pačućci i nadajuć mocy.
Hetyja pieśni šmatrazova mahli čuć žychary stalicy ŭ vykanańni Volnaha choru na pierfomansach u mietro, teatrach, handlovych centrach.
Pahladzicie, jakuju akcyju salidarnaści zładziŭ Volny chor u handlovym centry «Ryha»:
Siońnia, jak nikoli, varta vučyć dziaciej i darosłych biełaruskim pieśniam, uzhadoŭvać kultury masavaha śpievu, adradžać šmatviekavuju tradycyju biełaruskaj charavoj kultury.
Śpieŭnik «Hodnyja pieśni» musić stać dobrym padmurkam dla stvareńnia sapraŭdnaha «Śviata Pieśni» ŭ Biełarusi.
Inicyjavaŭ vydańnie viadomy muzyka Siaržuk Doŭhušaŭ, nad zbornikam pracavali chormajstar Halina Kazimiroŭskaja i kampazitar Kastuś Jaśkoŭ.
Zbornik vyjšaŭ dziakujučy achviaravańniam biełarusaŭ z usiaho śvietu.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary