Dyryžor Halina Kazimiroŭskaja zastajecca na Akreścina, spravu nakiravali na dapracoŭku
Sud Savieckaha rajona nakiravaŭ na dapracoŭku ŭ milicyju spravu Haliny Kazimiroŭskaj — kiraŭnicy choru «Kankordyja», žonki Źmitra Vajciuškieviča, piša Radyjo Svaboda.
Halina znachodzicca ŭ IČU na Akreścina. Pavodle advakatki, razhlad spravy jašče nie pačynaŭsia.
Halinu zatrymali 29 kastryčnika. «Ja byŭ na kancercie la Hłybokaha, mnie patelefanavali a 17-j, što jaje zabrali z pracy ŭ halerei ŭ Astrašyckim haradku, pasadzili ŭ milicejskuju mašynu», — raspavioŭ Źmicier Vajciuškievič
U čym abvinavačvajuć Halinu, pakul nieviadoma. Źmicier Vajciuškievič spadziajecca, što žonku pavinny vypuścić jak maci niepaŭnaletnich dziaciej.
«Ja nie viedaju, u čym jana vinavataja. Ciapier u krainie ciažka viedać pryčyny, jakija mohuć być».
Halina Kazimiroŭskaja bolš za dziesiać hadoŭ źjaŭlajecca dyryžoram amatarskaha choru «Kankordyja«, udzielničała ŭ vydańni zbornika «Hodnyja pieśni».
Kamientary