Дырыжор Галіна Казіміроўская застаецца на Акрэсціна, справу накіравалі на дапрацоўку
Суд Савецкага раёна накіраваў на дапрацоўку ў міліцыю справу Галіны Казіміроўскай — кіраўніцы хору «Канкордыя», жонкі Змітра Вайцюшкевіча, піша Радыё Свабода.
Галіна знаходзіцца ў ІЧУ на Акрэсціна. Паводле адвакаткі, разгляд справы яшчэ не пачынаўся.
Галіну затрымалі 29 кастрычніка. «Я быў на канцэрце ля Глыбокага, мне патэлефанавалі а 17-й, што яе забралі з працы ў галерэі ў Астрашыцкім гарадку, пасадзілі ў міліцэйскую машыну», — распавёў Зміцер Вайцюшкевіч
У чым абвінавачваюць Галіну, пакуль невядома. Зміцер Вайцюшкевіч спадзяецца, што жонку павінны выпусціць як маці непаўналетніх дзяцей.
«Я не ведаю, у чым яна вінаватая. Цяпер у краіне цяжка ведаць прычыны, якія могуць быць».
Галіна Казіміроўская больш за дзесяць гадоў з'яўляецца дырыжорам аматарскага хору «Канкордыя«, удзельнічала ў выданні зборніка «Годныя песні».
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі25
Каментары