Hramadstva

Zatrymanyja viadučy «Kałychanki», Mis Biełaruś i alimpijski pryzior pa lohkaj atletycy. Ahułam bolš za 1050 zatrymanych

Niadziela ŭ Minsku znoŭ stała dniom masavaha zatrymańnia palityčnych praciŭnikaŭ Alaksandra Łukašenki.

Pa stanie na 01.00 nočy viadoma ŭžo 1051 proźvišča (heta niapoŭny śpis).

Učora, u subotu, zatrymali jašče 116.

U subotu AMAP, u pryvatnaści, kala 1-j kliničnaj balnicy zatrymaŭ 60 miedykaŭ.

Siarod zatrymanych u niadzielu — niamała zorak.

Prosta z mašyny vyciahnuli pryziora Alimpijskich hulniaŭ, lohkaatleta-dziesiaciborca Andreja Kraŭčanku.

Razam ź im schapili viadomaha kikbaksiora Ivana Hanina.

I Kraŭčanka, i Hanin brali aktyŭny ŭdzieł u Svabodnym abjadnańni spartoŭcaŭ, što złučyła sotni prychilnikaŭ pieramien.

Na płoščy Svabody była zatrymanaja Mis Biełaruś 2008 hoda Volha Chižynkova.

U śpisach zatrymanych znajšoŭsia i 56-hadovy akcior Alaksandr Ždanovič, viadomy ŭsim biełaruskim dzieciam jak Malavanyč, viadoŭca «Kałychanki».

Byŭ zatrymany i Alaksandr Žłutka, adziny na Biełaruś śpiecyjalist pa sieradniaviečnaj łacinie, 66-hadovy kandydat fiłałahičnych navuk, jaki pracuje ŭ Instytucie historyi Akademii navuk.

Žychary Minska pościać i dasyłajuć u ŚMI kadry zatrymańniaŭ i abłaŭ na samych roznych vulicach Minska, a taksama ŭ handlovych centrach. Voś niekatoryja z momantaŭ niadzieli.

Udzień zatrymańni adbyvalisia na praśpiektach Pieramožcaŭ, Mašerava, Puškina, płoščach Svabody i pierad Opieraj, vulicach Bahdanoviča, Niamiha, Cnianskaja, Kalvaryjskaja, Rakaŭskaja, Ramanaŭskaja Słabada, Prytyckaha, Staražoŭskaja, Mielnikajcie, Lenina, Hvardziejskaja, Janki Kupały, Ałaizy Paškievič, Kamunistyčnaj.

Uviečary zatrymańni i pahoni adbyvalisia na Kamiennaj Horcy i ŭ Sierabrancy, u Sucharavie kala Maksimusa, la mietro Puškinskaja i Spartyŭnaja, kala doma na praśpiekcie Dziaržynskaha, 122, a taksama va Uruččy.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać1

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać

Usie naviny →
Usie naviny

Pamiłavany eks-palitviazień Arciom Bajarski znajšoŭ pracu i płanuje adnavicca na chimfaku BDU10

Łukašenka padpisaŭ ukaz ab uzmacnieńni paŭnamoctvaŭ vykankamaŭ 8

Źjaviłasia elektronnaja biblijateka pomnikaŭ piśmienstva, zapisanych biełaruskaj arabicaj3

Frydman prapanuje niestandartnyja sposaby, jak pryciahnuć uvahu ZŠA da Biełarusi3

«U hałovach ludziej, jakija ŭ zachapleńni ad Trampa, adbyvajecca niešta padobnaje, jak było 100 hadoŭ tamu»25

«Heta jeła majo dzicia». Minčanka kupiła ŭ kramie vypiečku ź mietaličnaj stružkaj5

U Biełarusi maroz — čynoŭniki dastali svaje šapki ŠMAT FOTA21

Rasija moža addać svaje zamarožanyja ŭ Jeŭropie aktyvy Ukrainie ŭ miežach mirnaj damovy3

Na biełaruskim aŭkcyjonie chočuć pradać stary płašč za 30 tysiač rubloŭ2

bolš čytanych navin
bolš łajkanych navin

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać1

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać

Hałoŭnaje
Usie naviny →

Zaŭvaha:

 

 

 

 

Zakryć Paviedamić